Ова повеќе ќе дојде како туторијалче ама ќе се обидам да напишам и да објаснам околу DC-DC Конверторите онолку колку што знам јас и онака да сватите и вие пошто ако земам да објаснувам како што знам нема никој ништо да ме разбере
DC-DC конверторите се начесто импулсни напојувања, во зависност од изведбата поделени се на повеќе видови и тоа: step-up (подигачи на напон), step- down ( намалувач на напон), инвертори и флајбек трансформатори ама тоа не не интересира многу нас.
Некој ќе праша што е прекинувачко или импулсно напојување, тоа е прост уред ( во наш случај, инаку тоа е наука за себе
) кој користи прекинувач, калем и диода за да енергијата ја префрли од влез на излез, во зависност од поставувањето на овие работи ( распоредот нивни ) може да се добијат трите погоре спомнати видови на напојувања.
Ккао што спомнав во зависност од поврзувањето се добива различен склоп
1. Step-up ( boost), склоп се добива доколку елементите се поврзат како на шемата подолу
на шемава имаме прикажано ( гледано од лево на десно ) калем, прекинувач према маса, диода и кондензатор.
Како работи ова напојување ( ќе се послужам со шема, на шемава има некој пресметки не ги гледајте ним тие подоцна ќе ни требаат, не сега )
Да замислиме дека прекинувачот веќе долго време е отворен па според тоа, напонот кој е на влез ќе се добие и кај кондензаторот на излез.
Доколку сега го затвориме прекинувачот, преку калемот и преку прекинувачот према маса ќе почне да тече некоја струја, диодата е така поставена што го блокира кондензаторот за да не се празне и тој преку прекинувачот.
Да замислиме дека имаме некоја бесконечно голема струја, тогаш таа струја што тече низ калемот линеарно ќе расте во зависност од времето, до некоја вредност пропорционална на влезниот напон поделено со индуктивноста ( зависи колку време прекинувачот е вклучен ).
Да замислиме сега дека, прекинувачот после х време пак го отвораме, тоа значи дека струјата ќе продолжи да течи преку диодата за да го надополни напонот кај кондензаторот кој во меѓувреме паднал на некое ниво.
Напонот на излез се крева до некоја рамнотежа или додека не се постигне условот
VL = L × di/dtСо други зборови, колку повисок напон на краевите од калемот, толку побрзо струјата во калемот паѓа.
Во стабилна состојба, напонот на калемот за време на префрлувањето на прекинувачот е 0V.
Ова значи дека и струјата која врви низ калемот е на некоја стабилна состојба.
Ова е важно за да може да се мисли еден чекор понапред за да можеме да пресметаме кое е зголемувањето кое можеме да го добиеме на излез.
Доколку имаме некое зададено време за полнење t
on за некој влезен напон струјата да стигне до рамнотежа, тоташ имаме и некое специфично време за празнење t
off за некој излезен напон.
Бидејќи напонот на калемот за време на рамнотежа мора да достигне до 0, тогаш ние можеме да го пресметаме засилувањето кое ќе се добие на излез според следнава равенка :
VOUT = VIN/(1-D)каде што D e времето
ton/(ton + toff) = DНачинот на работа е сличен и кај колото за инвертирање и кај колото за намалување
со тоа што се користат различни шеми
Step-down (buck)
Каде што формулата за пресметка на излезниот напон е следна
VOUT = VIN × DInvertor
Формула за пресметка на излезен напон
V
OUT = V
IN × D/(1-D)
Начинот на кој ќе го регулирате тоа прекинвање е веќе нешто сосема друго
најчесто таа фреквенција на прекинување изнесува од 20-40кHz
користев литература од
http://www.maxim-ic.com
ако го интересира тоа некого