Македонски форум за електроника
Дигитална електроника => Развојни околини => Topic started by: BorceBT on 08.11.2009, Sunday, 13:15:19
-
Дали е некој заинтересиран за дизајн и градба на отворен модуларен компјутерски систем со PIC кој ќе биде едноставен за програмирање во некој виш програмски јазик (може и некој нов да измислиме) и да биде модуларен (со картички) при што ќе може да се проширува системот во зависност од намената (модуларен вгнезден (embedded) систем)?
-
Јас сум заинтересиран :)
само ако можи повеќе инфо како, што , дали мислеше нешто слично на онаа ардуино развојната средина ?
( незнам точно како се вика, мислам дека така беше)
-
Значи, идеата ми е да се направи модуларен компјутер со што главен процесор би бил еве PIC16F877 на 20MHz (може да се оверклокува и до 30MHz без проблем), би имало магистрала (bus), слотови за мали картички и би имало звучник и лед за да индицира правилна работа (он, бип и нешто друго како на пример индикација за читање од меморија и слично). Значи идеата е да можеме да направиме компјутер кој потоа ќе го програмираме во некој јазик едноставен што ние ќе си го измислиме (на пример налик на бејзик). Со ова ќе можеме да си правиме едноставно и брзо мини компјутерски систем кој ќе се програмира лесно и брзо (без флеш и такви работи) и би бил замена за PLC и други уреди со додатоци кои ги нема во PIC микроконтролерите како на пример дисплеј драјвери и повеќе влезови. Убаво ќе биде што ќе биде системот со картици и ќе може во иднина да го прошируваме и да ставиме на пример и наша видео картица, звучна картица, некоја мрежа, порт и слично :) Мислам дека ми ја сваќате замислата иако можда денес не вреди да измислуваш уште еден компјутер сепак ќе биде интересно а може и корисно во иднина ќе видиме ;)
Засега сум скоро готов со дизајнот на матичната плоча (види ги сликите). Работи на 5 волти и има 3 слота (засега) но може да се прошири до максимум 6 ако имаме двослојна плоча или ground plane.
(http://elektronika-mk.net/index.php?action=dlattach;topic=195.0;attach=12719)
(http://elektronika-mk.net/index.php?action=dlattach;topic=195.0;attach=12721)
-
Ќе го следам ова со интерес :)
-
Идејава е супер доста интересна мини супер компјутер :) со кој ке може да се контролират цели процеси во фабрика.
-
Размислував дали е подобро да се оди со паралелен компјутер како прикажаниов (стара проверена работа) или со сериски компјутер (нова работа ама во подем). Може ќе биде поевтино а и поинтересно да се оди со сериска варијанта на системот. Бидете во тек, ќе следи нова матична плоча па потоа ќе одлучиме ;)
-
Jas sum zainteresiran za rabotava samo ke treba da
se dogovori platformata i jazikot za razvoj.
Ne bi bilo loso da ima eden tcp-ip stek so web strana
bi mozel da pomognam imam iskustvo so html i javascript.
Znaci ke treba da se napravi komunikacija I2C ili smbus
za da moze da se vrzuvaat dopolnitelni senzori ,
tajmeri i vlezno izlezni uredi.
Kazete okolu memorite flash ili dram dali bi bilo "upgradeable" ili se ke bide fiksno.
Mora da ima eksterna flash memorija da ne bide uredot ogranicen i da moze memorijata
da se programira lesno .Dali sve bi bilo kako "firmware" vo edna memorija sve ili modularno ????.
Dobro bi bilo da se raboti vo C programiranjeto ama ako treba i vo asembler
bi mozel da pomognam .
Treba da se bide fleksibilen i vo pogled na PIC-ot ako zememe vo obzir deka se slicni vo port-ite
i rasporedot na registri-te i memorijata, ne treba da se ogranicime na eden PIC.
Za pocetok da se napravi blok shema na site eksterni uredi sto bi se povrzuvale i kako bi komunicirale.
Za sega tolku od mene pozdrav
-
Значи вака уредот колку што знам јас е готов следат тест фази, ќе се програмира во асемблер и нема да биде ограничен, се базира на пик ќе можете по ваша желба што сакате да му додавате
пр. ви фали некој излез за нешто видеао аудио или што било, вие си составувате таков модул и го додавате на „ матичната“ плоча , што ќе ви дојде на памет тоа можете да го ставате
Повеќе инфо барајте од Борче, сепак тој го измисли :D
-
Склопот е во развој и тоа сериска верзија (со сериска магистрала). Идеата е корисникот да може да програмира во виш јазик налик на бејзик но помоќен и да има проширлива меморија, да може наместо 2К меморија колку што има некој мал ПИК да се стави и 64К па и повеќе, да можат да се интегрираат контролери за екстерни мемории, дисплеи и друго. Прелиминарна шема на матичната плоча ќе има за 1 недела најкасно.
-
Значи ова е новата матична плоча за идеата за PIC модуларен микро компјутер.
Се работи за дизајн на сериски компјутер (со сериска магистрала).
Што се има и како би работело сето тоа:
Значи срцето на матичната плоча „процесорот“ би бил PIC16F628 на 16 или 20МHz. Над него е ставена EEPROM меморија во која ќе се чува корисничката програма напишана во наша варијанта на Бејзик. Во Firmware-от (програмот) на PIC16F628 ќе има интерпретер на наредбите содржани во нашата корисничка програма снимена во EEPROM-от. Овој EEPROM (од типот 24Cxx) ќе може да се програмира екстерно (со вадење од подножјето) или директно преку серискиот порт кој исто така е вграден на матичната плоча заради полесна комуникација со надворешни уреди (PC компјутер). Ќе може да се стави EEPROM од максимум 64KB што мислам е повеќе од доволно за кориснички програми.
Освен тоа на плочата има (за полесно дебаригање) три ЛЕД диоди и Buzzer (звучниче) кои се разбира дека ќе можат да се користат и како индикатори во крајниот дизајн на корисничкиот уред.
Исто така постојат 4 слота (конектори) за картички кои ќе бидат претставени подоцна а ќе имаат различни функции (картичките веројатно ќе содржат свој сопствен послаб или појак PIC во зависност од намената). Ќе може да се направат картички на пример за: додатни портови (сериски, USB), интерфејси за тастери, тастаури (PS/2), за дисплеи ЛЕД, LCD, можеби и за монитор/тв.
Некој ќе рече: зошто картици? зошто 2, 3 или 4 PIC-ови кога може да се направи се со 1 појак PIC (на пример)?
Затоа што тој немал работено во голема компанија и не знае што е тоа што е скапо а што не:
1. Хардверот е евтин и станува поевтин.
2. Софтверот е скап. Ако правиме софтвер во Бејзик за 15 минути за истата работа што би потрошиле 15 дена во асемблер хардверот не е ни битно колку е скап (ако се работи за неколку уреди а не за серија од милион).
3. Уредот е универзален и немора да се прави посебна матична плоча за секоја различна намена, можеме да имаме 10 веќе направени системи и картици и да склопиме за 1 ден (хардвер + софтвер) систем за одредената намена. Тоа е непроценливо.
Се надевам се јасни придобивките. Да преминам кон шемата и пробната плоча.
(http://elektronika-mk.net/index.php?action=dlattach;topic=195.0;attach=12723)
(http://elektronika-mk.net/index.php?action=dlattach;topic=195.0;attach=12725)
(http://elektronika-mk.net/index.php?action=dlattach;topic=195.0;attach=12727)
-
одлично но...
за тие што го познаваат овој програмски јазик
-
Замислата е супер само 4 слота се врзани паралено така што според мене ако се вклучат 4 надворесни уреди PIC-от треба да има контола на магистралата т.е со кој уред ке комуницира.Инаце замислата е одлична
-
интересен проект ќе биде овој,но дали е добро ова така да може да се поврзе на интернет со некој од овие плочки на микроелектроника т.е. оваа ENC28J60 која може да се поврзе на интернет и да комуницира со други уреди.Исто така ќе се направи Јава апликација и може да се направат повеќе вакви системи(компјутери) и можат сами да комуницираат!!Ако мисли дека е добра идеава ќе се консултираме за правење!! ;D ;D
-
идеата со проектот е да се направи мини компјутер односно мини матична, е после ова се што е потребно ќе треба сами да си правите
ако ви треба тоа за интернет си правите сами модул, ако сакате видео додавате нешто со дисплеј и тн.
-
Одлична замисла и имав една ваква идеја да реализирам ама никако да стасам со време. Идејатамоја беше да се користи нешто помоќен контролер на пример LPC1768 (со јадро ARM Cortex M3 на 100MHz, 64KB RAM, 512KB FLASH, многу модули меѓу кои и USB, ETHERNET, и др) или пак LPC2478 (со јадро ARM7TDMI на 72MHz, 64KB RAM, 512 KB FLASH, и многу други модули , USB, ETHERNET, скоро се што може да има еден контролер) и меѓу другото има и надворешна магистрала за меморија на која планирав да се постават слотовите за други модули, а исто до слотовите да доаѓа и I2C, SPI, SSP, I2S, па има доста избор за комуникација. Доста поедноставно е да се вози слот со надворешна мемориска магистрала на која може да се поврзе надворешна RAM меморија и која може да се премапира за влезноизлезни уреди. Што се однесува до софтверот за контролерот, планот ми беше да има некој оперативен систем (микриум, FreeRTOS) а идејата ми беше да го сработам со RTLinux кој ке ја брка цела работа и ке ги има сите драјвери за некои модули, па доколку му додаваш новоизработен модул, за него пишуваш само драјвер, го ставаш на USB стик и оперативниот сам да си го инсталира без да се преправа ништо. Дури имав и идеја да се поврзе на PC и да може да се следи неговата работа преку Supervisor мод, па да може и да се управува како да работи, да се менуваат драјвери и сл. Доколку некој е заинтересиран за нешто посложено можеме да почнеме со смислување на проектот, па дури можеме и со некој контролер со ARM9 да го средиме, на 260MHz.
-
Не се разбирам јас многу во овие работи, ама не може да се изведе нешто слично со некој стар Intel-ов процесор? На пример некоја PII-ка или PIII-ка, па дури и PI, или можеби AMD К-5 (на околу 100MHz работи K-5-ката). Мислам дека е малку скапо да се купат на AMR микроконтролерите (знам, мојот портабилен аудио плеер има AMR процесор и знам колку го платив, Sandisk Sansa Fuze).
-
Со пентиумите е малку посложена работата затоа што се само процесор, па за негова работа требаат многу надворешни компоненти (патем ако станува збор за пентиум, земи си компјутер и користи го него но сепак софтверот е доста сложен). Најпопуларни процесори за EMBEDDED дизајн беа 80386SX и 80386DX од пентиум серијата кои уште се користат во многу апликации. ARM веке се замени на пазарот, а има и процесор ARM Cortex A9 кој е со 4 јадра на 2GHz, со NEON FPU копроцесори за секое јадро и 8MB L2 кеш. И сето тоа за 2W потрошувачка. Едноставно веќе ARM нема конкуренција на пазарот, а веќе го надмина и INTEL, само што сеуште не е влезен во пазарот на персоналните компјутери.
-
Аха, епа не сум ги знаел овие работи, добро е да се знаат ;).
А едно прашање, што би бил ќарот кога некој би направил ваква машина, ќе може да замени персонален компјутер или ???. Не ми е јасно...
-
Не е целта да се замени компјутер, затоа што овие машини не се толку моќни колку денешниве компјутери, а кога би се направиле толку мокни пи биле премногу скапи. Овие машини се за да се направи компјутерски управуван процес релативно едноставно, еднаш го развиваш и после само го користиш, дизајнираш нови модули, а не цела машина (нешто слично на посложените PLC-иња). Би било тука интересно во овој дизајн да се додаде и некој надворешен чипсет, кој ке биде реализиран со некое FPGA или па посложено CPLD, во кој ке има мапирано DDR2 мемориски контролер, DMA (и двата предложени микроконтролери имаа повеќе од 2 DMA контролери), PCI контролер, и уште некои корисни работи што ке ја забрзаат работата на системот, но ова нека биде опција, затоа што некои од овие не се едноставни за изведба. Би можело чипсетот да има повеќе магистрали кои ке ја забрзуваат меморијата, како на пример мемориска магистрала за DDR2, влезноизлезна магистрала, магистрала кон мемориската магистрала на ARM-от, па и некоја кон некое DSP- контролерче ако се користи. (Само човековата имагинација е ограничување :))
-
Добро е што има идеи во оваа насока, и јас исто така никако да најдам време да го доработам ова (читај: фирмверот :) ) Меѓутоа сега се здружив со едни дечки кои се ентузијасти за оперативни системи и програмски јазици така да можно е проектот да тргне напред. Исто така доколку (еве) има некој своја идеа и проект нека отвори тема и да ја разглоби работата убаво и да делиме мислење и на крајот да видиме работна верзија.
-
Борче дали почна да го правиш овој проект или уште не си почнал ???
-
Плочката и шемата се готови, треба само да го проверам делот околу серискиот порт дали ќе работи добро како што е замислено но од софтверот не е почнато ништо, за тоа ќе треба стварно многу време, ако најдам време до крајот на летото ќе пишам тука што и како.
-
Борче за почеток какви модули планираш да направиш за системов?
Јас планирам да направам нешто посложено и се разбира и поскапо, но за помали работи ова на Борче е сосема доволно. После мачно размислување се одлучив како мозок на целит систем да го користам LPC2478 (ARM7TDMI-S на 72MHz). Блок дијаграмот на овој контролер можете да го видите во продолжение
(http://pic.mk/thumbs/lpc2478.jpg) (http://pic.mk/?v=lpc2478.jpg)
Планот ми е да има една матична плоча со 9 конектори, а контролната единица да биде на модул кој ке се вметне на првиот конектор(или било кој). Матичната плоча да има само паралелна врска помеѓу конекторите и влез за напојување (+5V Digital, +3.3V Digital, +5V Analog, +12V Analog, -12V Analog). На главниот модул (MCU) да има LPC2478, 512KB SRAM, buzzer, неколку LED, I2C eeprom, RS232 (UART0) кој ке служи за контрола и надоградување на софтвер, JTAG интерфејс, TRACE интерфејс, USB device, USB host, Ethernet и конектор за евентуално поврзување на други уреди. Брзиот проток на податоци по магистралата ке се одвива преку надворешниот мемориски интерфејс на LPC2478. Сите 32 бита од податочната магистрала, сите 24 бита од адресната магистрала, и сите контролни сигнаи ке го контролираат брзиот проток на податоци, и уште UART2, UART3, SPI, I2C ќе се најдат на магистралата, за евентуални поедноставни модули на кои не им треба голем проток на податоци. Големиот адресен простор на SRAM меморијата (4х16MB) ке се користи за проток на податоци, а ке биде достапна и контролната магистрала од SDRAM контролерот, со што се овозможува како модул да се додаде меморија со големина од 1GB (4 банки од по 256МВ). На магистралата уште ке има и 4 линии за прекин до LPC2478, како и контролни линии за евентуален надворешен DMA. Сега за сега толку од дизајнот на овој систем. Понатаму е планирано и да се додаде надворешен DMA контролер и векторски контролер за надворешни прекини како еден модул, со кој ке се забрза контролата на системот. За софтверот во контролерот планирам да линкувам FreeRTOS, а понатаму можеби ке добие и RTLinux. Се надевам дека во скоро време ке успеам да го составам харверот па ке имате можност да видите како тоа изгледа.
-
А од каде ќе го купиш ова LPC2478?? Дали го има во Македонија??
-
Во Македонија секако дека го нема. Имам веке 2 чипа, а ги набавувам од Digikey (нарачка по пошта) и е 20$ за парче.
-
А разгледував на нет,па ми фати очи еден со ТФТ екран па дали има такво нешто за да го поврзам на компјутер!!!Колку пари кошта и дали имаш ти таков со ТФТ екран???И дали може кога ќе нарачуваш да нарачам и јас!!
-
Toj TFT дисплеј што си го гледал го има по развојните плочи со LPC2478. Идејата е што LPC2478 има LCD контролер, кој е направен за драјвање на такви дисплеи. Овој дисплеј иде со развојната на OLIMEX, која е некаде окулу 200 евра (+ДДВ, царина, поштарина), а само дисплеј никогаш не сум барал, ама не верувам дека е поскап од 80-90 евра. Има верзии на тој дисплеј со капацитивна фолија за допир, а јас никогаш не сум имал таков дисплеј а и не сум имал ни потреба од него. Сега во скоро време нема да правам нарачка на елементи од Digikey, ама кога ке нарачувам ке ве известам на форумов па ако нарачаме повеќе ке испадне и поштарината поевтина, итн. Тој дисплеј има стандардизирана комуникација, и за него мора да се има контролер, или евентуално да се направи контролер, што не е баш едноставно да се изведе со послаб микроконтролер поради брзиот проток на податоци до дисплејот. Па поврзување на тој дисплеј без контолер на компјутер не е едноставна работа. Евентуално нешто ако може да се направи на PCI контолерот, со мало прилагодување со некое CPLD. Ама повторно останува софтверското решение и драјверот за PCI контролерот, и модулот. Наједноставно и најевтино решение е сепак да се користи LPC2478, на неговиот контролер да се вози дисплејот, а компјутерот и LPC2478 да комуницираат преку некоја поедноставна комуникација (RS232, USB, ...).
Споено мислење: 22.08.2010, Sunday, 02:08:19
Во меѓувреме настанаа уште некои промени на магистралата и конечни сигнали што ке се појават таму се оние дадени на цртежот даден во прилог. На врските на MCU модулот моментално се работи. Доколку имате некои идеи за уште некој сигнал да е потребен на магистралата пишете.
-
Вака сега да не отварам нова тема сакам да прашам дали може меморијата 24Cxx без разлика која и да е дали може да се поврзе сериски и да има повеќе меморија (безразлика на типот).Сакам да поврзам на пример 3 парчиња од 24C512 па да има повеќе меморија.Дали ова е добра идеја дека мислам јас вака на овој принцип работат РАМ мемориите во компјутерот(мемории од ист тип редно поврзани)!!Ова ми е идеја за поврзување на модуларниот компјутерски систем за да има повеќе меморија ;D ;D
-
За сериско поврзување на меморија не сум слушнал но овој тип на EEPROM меморија можеш да го врзуваш паралелно. Можат да се поврзат до 4 такви мемории на кои со А0 и А1 ке им се постават различни адреси и на истата I2C магистрала можат да се возат. За поврзување на повеќе чипови ке треба да се направи и хардверско адресирање. Инаку оваа EEPROM меморија што ја наведе 24СХХ е сосема различна од RAM меморијата, и не важат истите закони. Оваа меморија има I2C магистрала преку која комуницира додека во зависност од типот на RAM меморија има повеќе различни магистрали преку кои се комуницира и сите воглавно се темелат на паралелно адресирање и проток на податоци.
-
ок,јас прашав дека не се разбирам многу од мемории,но имам едно 2 проекти направено со нив!!Инаку фала за одговорот!! ;D
-
Овие мемории се добри каде што треба да се чуваат податоци и по прекинот на напојувањето, но за често пребришување не се погодни затоа што имаат ограничен број пати (100000). За таа работа е RAM меморијата, па каде што треба и да се зачуваат податоците по прекин на напојувањето а и да има голем број на прбришувања обично користам (а и многу други користат) SRAM со батерија, затоа што е многу брза, и малку троши во статичка состојба. Во овој систем добро е и да се стави еден EEPROM кој ке чува некои сетинзи кои нема често да се менуваат (само со поставување на нов модул или слично), но за тоа тука е внатрешната меморија на микроконтролерот. Сепак кога би требало да биде надворешна (што ми е во план да ја поставам) би била NAND FLASH од 256MB до 1GB. Но и онака целиот систем е дизајниран да може да користи SRAM до 48MB и SDRAM до 1GB што за многу апликации е преголема меморија (освен процесирање на видео или нешто слично).
-
ја завршив мојата РС232 комуникација со модуларниот компјутерски систем со ПИЦ.Па ако мислите дека е добра идеја...Инаку си ја направив РС232 комуникацијта за размена на податоци од компјутер со микроконтролер!Ако мислите дека е добро шеми,слики и плочки ќе поставам!!
-
отвори тема за тоа и стави таму шемите...можеби ке му се најдат на некој...
-
ќе отворам само јас да го финиширам! ;D и се ќе направам,ќе отворам тема!
-
И јас ќе правам вакво нешто, ќе се базира до негде на идеата на Борче ама јас ќе си ја модифицирам за мојте потреби :)
сериска комуникација за почеток, па после ќе видиме можеби и на USB ако биде се во ред :)
само некако ова фирмверот ме кочи, ама ќе се снајдам ќе побарам за почеток некој готов или па ќе си приспособам некој готов :)