Јас ќе бидам презадоволен ако има некој доволно стручен да ми објасни нешто што прашувам, да ме упати.. ич нема да ми смета дали пишувал на дијалект или користел мали букви, или ми го цитирал прашањето или не употребил точка.... стварно не разбирам.
А размислуваш на тоа дека можеби и некој друг го има истото прашање како и ти (или слично), но не знае за форумов и пишал на Google за тоа што му треба и не му вади резултати. Зошто? Па најверојатно бидејќи сите post-ови се напишани на некој дијалект, а Google не препознава дијалекти.
Ајде вака да гледаме на работите. Дали на странски форуми, каде што официјален јазик е Англиски, некој пишува на некој дијалект? Можеби не знаат сите членови одлично Англиски, но ако не повеќе, барем се трудат или користат Google Translate кој сепак, не е добар преведувач, но барем правилно ги спелува (пишува) зборовите на Англиски, па ако некој се заинтересира, ќе најде начин да разбере што пишува во некоја тема од тој форум.
Значи, да се разбереме, апсолутно литературно (баш, како што викаат „по речник“) на форумов никој не пишува, дури ни ние (адмнистрацијата), ама се трудиме колку што може повеќе да нема дијалекти и локални говори. Барем не во главниот дел од форумот, секцијата за забава и општа дискусија е сосема друга работа и таму можете да си пишувате како сакате (без пцовки и навреди се разбира, или барем маскирајте ги, со астериск или некој друг знак). Да бидам искрен, ако сите пишуваме баш литературно, најверојатно нема да се разбереме (мислам на некои стручни термини кои имаат, понекогаш, „несреќни“ преводи на Македонски, а понекогаш се и смешни, целосно неупотребливи како термини, најчесто предолги).
За цитирањето реков повеќе нема да цитирам, па ваљда на тој што се однесува мојот пост ќе знае некако дека е за него.
Тоа за цитирањето е чисто сугестија и важи само ако се пишува веднаш по post-от за кој се однесува твојот post. Ако треба да одговориш на некој post од пред 10 post-а, се разбира дека ќе си го цитираш post-от, тука нема проблем. Ако не се однесува на цел post одговорот, го цитираш, само оној дел на кој се однесува и тоа е тоа. Не гледам каде е проблемот. Да, нема правило за цитирање, ама па зар навистина треба да воведеме такво за да бидеме сватени сериозно
.
1000 пати имам пишано, ама ајде, пак ќе пишам. Не треба само адмнистрацијата да го одржува форумот, треба и членовите. Не можеме ние секаде да бидеме дежурни џандари за се. Не треба само ние да се трудиме форумот да изгледа читко и средено. Треба и вие, членовите, да го правите тоа. Ако не го осеќате форумов како „пријатно место“, тогаш нема што да се буните ако нешто не ви се допаѓа. Едноставно не го посетувајте. Гледате дека администрацијата сака да се придржува кон определена етика на пишување на post-ови... размислете малку, зар навистина е толку тешко да се држите до таа етика? Ако сметате дека е, нема што да барате на форумов.
Еве, јас на пример, на секое друго место, освен на форумов, пишувам исклучиво на латиница. Буквално секаде! Овен на форумов. Тука се придржувам до правилото дека се пишува на кирилица. Зошто? Бидејќи сметам дека може да научам определени работи кои не сум ги знаел, да го споделам она знаење кое го имам, а и да стекнам нови познанства, пријателства, итн. Затоа, сметав дека не е претешко да се префрлам од мојата нормална „рутина“ (пишување на латиница) и да ја направам оваа „жртва“.
Ништо не е тешко ако се сака. Прашањето е... дали се сака.
Инаку Фејзбук ретко уклучувам, така да не се допишувам таму, незнам од каде ти е таа идеја. А и што ако е Фејзбук, па не ли треба и таму литературно да се пишува според тебе?
Споредуваш баби и жаби - стручен форум со социјална мрежа. Идејата за социјалните мрежи се знае која е. Кој и да ги создал, ги создал со цел да прави пари од нив. FB не постои поради луѓето кои се членови на FB, туку поради рекламите, игрите и што уште не кои му носи пари на креаторот на оваа социјална мрежа. Ако не носеше пари, FB одамна ќе го немаше. И мислиш дека ако прават пари ќе им биде гајле како се изразуваат членовите на социјалната мрежа
? Во заблуда си ако мислиш дека им е гајле
. Па дури и кога ги биршат оние членови и страници кои имаат навредливи или неадекватни слики, коментари, што и да е, не го прават тоа бидејќи мислат дека е исправно, туку бидејќи некој/и ургирал/е тоа да се направи.
Администрацијата од форумов не заработува од форумов. Баш напротив, во зијан сме. Далеку од голем, ама сепак, се одвојува определена сума на пари за одржување на форумов.