По многу пребарување, конечно успеав да ја најдам оваа информација, а бидејќи верувам дека не сум единственот кој се соочил со овој проблем, решив да ја споделам. Ова не важи само за Dremel 300, важи и за цела плеада модели на гравирки на Dremel, а тоа се: 4000, 400, 3000, 398, 395, 300, 285, 275, 200, 100, 8200, 800, 780, 770, 7700, 750.
Навој со димензии 7mm x 0.75mm: Димензиите се метрички, дијаметар на навојот е 7mm, одот на навојот е 0.75mm. Не знам точно кои производители ги користат овие димензии, на некои форуми начекав дека некои батериски модели на Dremel ги користеле овие навои... не знам.
Навој со димензии 8mm x 0.75mm: Димензиите се исто така метрички, дијаметар на навојот е 8mm, одот на навојот е 0.75mm. Пред се го користат Кинеските копии на Dremel. Mожно е да го користат и некои други производители.
Навој со димензии 9/32-40: Е овој навој го користат Dremel за сите нивни нови модели. Да појаснам. Дијаметарот на навојот е 9/32 инчи, односно 7.14mm. Одот на навојот е 40 TPI (Threads Per Inch), односно 0.635mm.
Инаку, најчести се Кинеските копии на првите два типа (7 x 0.75 и 8 x 0.75) ги има мал милион на ebay, особено 8 x 0.75, кои одговараат на копиите на Dremel, но има Кинески копии и од футерчиња со навој 9/32-40.
http://www.ebay.com/itm/152534791231
Е сега, можеби некој ќе праша, од каде знам дека е копија (ако некој поседува оригинал футерче на Dremel, ќе зебележи дека е исто како на сликата). Прво, во однос на цената (оригиналните се далеку поскапи) и второ, изработен е од Алуминиум (пишува во описот), а оригиналните се железни.
Со среќа во изборот на футерче... јас изгледа од втор пат ќе го погодам навојот... се надевам нема да има трет пат
.