Аналогна електроника > Предаватели

FM предавател со Raspberry Pi 3B

(1/4) > >>

Atanas:
Изминатиов период направив едноставен радио предавател со помош на Raspberry Pi. Ова е едноставен проект и може да го направи речиси секој.  ;D

Raspberry Pi во себе содржи еден пин преку кој што можеме да предаваме FM сигнал, тоа е пинот означен како GPIO4. Па, така кога на него ќе поврземе некоја жица ( но и не мора ),  таа станува антена.



Според ова, направив и јас еден едноставен FM предавател. Кодот може да го најдете тука:

--- Code: ---https://github.com/markondej/fm_transmitter
--- End code ---

За овој проект да биде успешен, најпрво е потребно да се инсталира компајлер за C/C++ ( бидејќи кодот е напишан во тој јазик) и да се направи извршна датотека од кодот. Тоа се прави со следните команди:

--- Code: ---sudo apt-get install make gcc g++
sudo make
--- End code ---

После овие чекори вие можете да го стартувате кодот:

--- Code: ---sudo ./fm_transmitter [-f frequency] [-r] filename

--- End code ---

Каде што фреквенцијата може да биде од 1MHz до 250MHz, но препорачливо е да се користат фреквенциите од 87.5MHz до 107.9MHz. Секогаш треба да се одбере фреквенција која што не е во употреба, бидејќи може да си направиме проблеми, нели.  ;D  И, исто така името на фајлот ( музиката ). Тој мора да биде во WAVE ( .wav ) формат, бидејќи во спротивно нема да работи.



За да се стартува кодот, мора да бидеме во директориумот каде што е тој.



Потоа само го стартуваме програмот, како на сликата. Тука се гледа дека имам пробано со 2 различни музики ( ако може така да ги наречам ).
И, секако тука има и видео од сето ова  ;D



Овој предавател го имам тестирано со 30cm бакарна жица, и успешно има домет од некои 60 метри. Како што ја зголемував жицата така и дометот беше поголем.

НАПОМЕНА: Треба исклучиво да се избираат фреквенции кои не се во употреба, во спротивно може да настанат проблеми.

Со ова се имам смешано лично јас во фреквенција. Така што додека мојот комшија слушаше радио на цел глас, ја наместив истата фреквенција како и неговата станица што ја слушаше и пуштив тивка музика, бидејќи неговата ми сметаше. За среќа не дозна кој е.  ;D

GigaWatt:
Абе Atanas, само проблеми на луѓето им правиш ;D.

Интересен проект, во секој случај. Со тоа што немаш напоменато дека со компајлирање на кодот се прави Linux binary executable и всушност го подигаш него, а не кодот, кодот е веќе искомпајлиран како binary executable ;). Го стартуваш исто како и секоја друга програма и под Linux и под Windows ;).

batka:
Атанас, човече, зар Raspberry Pi 3B користиш за вакви работи!??  Скапа работа е тоа..

GigaWatt:
Па и не се баш толку скапи... околу 20-тина долари се сега поевтините верзии и копиите ;).

batka:
Дваесет долара се веќе пар станици  8)

Navigation

[0] Message Index

[#] Next page