Софтверски енкодер за DRM (Digital Radio Mondiale)

[BorceBT]

Бидејќи веќе сме влезени во ерата на дигиталното радио овде ја ставам тешко добиената (легална) копија од единствениот (засега) софтверски енкодер за АМ радио предаватели кој би можеле лесно да се претворат да зрачат во DRM (Digital Radio Mondiale) форматот.

Се работи за енкодер на кој му треба full-duplex звучна картичка со можност за 48KHz playback (денес скоро секоја звучна картичка го може ова) и излезот од звучната картичка (од компјутерот) го приклучувате директно на аудио влезот на АМ предавател. Толку е едноставно. И нормално ќе пробате колкаво ниво на излезот е потребно за правилна модулација (да работи правилно дигиталниот пренос).

Единствен проблем (засега) ќе ви биде да најдете компатибилен DRM приемник за да можете да експериментирате но се надевам за неколку години тоа нема да биде проблем и секое авто-радио ќе може да прима АМ програма на средни бранови во DRM формат која теоретски треба да биде скоро квалитетна како FM пренос и среднобрановото подрачје повторно ќе стане актулено

Програмот е во атачмент подолу.

Значи напомена: Овој програм е наменет за АМ трансмисија во DRM (Digital Radio Mondiale) форма а не за DAB (Digital Audio Broadcast) кој е наменет за замена на ФМ модулацијата на УКБ подрачјето. Засега НЕМА бесплатен софтверски енкодер за DAB. Ако некој случајно најде бесплатен па макар и крак за единствениот (комерцијален, работи под линукс) постоечки DAB енкодер нека пише!

[DX-er]

супер работа, фала многу за програмот. Сега го симнав и да инсталирам јава и ке го разгледам. поздрав

[DX-er]

ништо, инсталирав јава ама не го отвара ај ке пробам на друг компјутер

[BorceBT]

Еве кај мене сега го стартував, пробај на друг компјутер / преинсталирај јава.

[DX-er]

инсталирав на друг компјутер со нова јава и  проработе, само како да подесам да емитува во AACplus ?

[BorceBT]

Mode E (DRM+) али не ти треба тоа засега можно е да не поддржуваат радијата. Добро е и тоа што се нуди како default, имаш 0-12KHz аудио што за АМ е повеќе од супер.

[DX-er]

не не, DRM+ е дигитално емитување на УКБ (замена за сегашниот ФМ) и е нешто слично како DAB само на пониски фрекфенции а мене ми треба енкодерот да кодира во AACplus кодекот нуди ненормално добар звук во споредба со обичниот AAC кодек, па ако не ти е тешко зирни дали ке најдеш таква опција, јас не успеав да најдам

[DX-er]

друго што не можам да си го разјаснам, нели ДРМ енкодерот инсталиран на компјутер и пуштен да работи го поврзувам со предавател преку звучната карта.
Нели тоа пак ке биде АМ модулација со ДРМ тон а не ДРМ модулација?

[BorceBT]

DRM сигналот е всушност измислен да биде модулиран како аудио за да немора големите радија да ја менуваат опремата (предавателите) туку само да стават ваков кодер кој генерира всушност модулациско аудио. Во суштина тоа е симулација на модулација која во стварност работи добро. Тоа е слично како што ФМ стерео модулацијата може да се изведи „по учебник“ со балансен модулатор и со прекинување лев-десен-лев-десен (финта) и пак да ја добиеме потребната модулација.

[DX-er]

Тоа е слично како што ФМ стерео модулацијата може да се изведи „по учебник“ со балансен модулатор и со прекинување лев-десен-лев-десен (финта) и пак да ја добиеме потребната модулација.

ама во тој случај, значи ако ДРМ сигналот е мааалку по слаб нема да може да се декодира? како кај ФМ радиото каде што ако не е супер сигналот нема стерео, па така често пати слушам радио скопје но од предавателот на црн врв и сигналот е супер 10ка но не е стерео бидејки не е 100% сигнал. Дали вакви проблеми има и кај ДРМто?

[BorceBT]

Па ќе има, исто ќе треба правилно да се подеси нивото на модулација. Бидејќи никој не дава колку треба да е нивото на модулација ќе мора да имаме ДРМ приемник при рака и да експериментираме. Дали некој има видено да се продава приемник со ДРМ поддршка кај нас?

[DX-er]

Нема, проверено, јас барам со години но НЕМА  знам дека во бугарија се продаваат, бар така ми има еден кажано и тоа по 200 евра пред година дена, сега мислам дека се поевтини