Може со сребрен лем, боракс како флукс и плински пламеник како извор на топлина
Читав за ова, ама немам ни едно, ни друго, ни трето... всушност, можеби и го имам третото... ако мислиш на обично „плинско“ (за во кујна).
@nsu: Не ми треба за нешто кој знае што, само сакам да направам подобра врска меѓу кантал жицата на еден леткум и бакарниот кабел
.
Инаку, делумно успеав
.
Кантал жица со кантал жица.
Кантал жица со бакарна жица.
Е сега, кога пробав да ја одвојам бакарната жица од кантал жицата, излезе дека и не се баш така добро залемени :S.
Но, на врвот од кантал жицата, неколку пати беше замотана околу неа бакарната жица и на тоа место не сакаше да се одвои... не пробав да ги „корнам“ една од друга, ама со... така, едно не премногу јако тегнење, не се одвоија.
Читав нешто online и проблемот е ист кај сите овие метали кои не се лемат: оксидниот слој кој се створува на површината на металот :S. Иста е ситуацијата и кај алуминиумот. Проблемот се решавал со користење на било каков флукс (паста) која има киселинска основа (acid based flux) или со користење на самата киселина како флукс. Киселината, под високата температура на леткумот, врие и го чисти овој оксиден слој од металот. Читав по разни форуми и луѓе препорачуваа се и сешто, меѓу кое беше и она што го пиша Muro и со него имале најголем успех
. Од киселините, најдобар успех имале со фосфорна, која знам само дека ја има во Кока Кола, ама не знам каде да ја купам посебно (како посебна супстанција).
Епа, бидејќи немав на располагање никаква друга киселина освен солна (HCl), решив да пробам со неа. И излезе дека може да се леми и со неа
.
Пробував разни процедури, од „макање“ на тинол жицата во солна киселина, до нанесување на солна киселина со пипета на кантал жицата, но најуспешен ми беше следниот метод.
1) Сипувате малку солна киселина во мала пластична чашка (како за жестоки пијалоци) или во некој друг мал пластичен сад. Искрено, мислам дека во конкретната ситуација, најадекватно ќе беше да искористам пластично капаче од шише, ама ко за беља, ниедно не можев да најдам по дома и не ми остана друга опција освен оваа со пластичната чашка (која, патем, мораше да ја скратам).
2) Ги виткате двете жици една околу друга. Не е важно дали е бакарна со кантал жица или кантал жица со кантал жица, како што се гледа од сликите, и во двата случаи успева процедурата
.
3) Го калаисувате врвот на леткумот. Ако имате леткум со температурна регулација, поставете го на повисока температура, 360 до 400 степени. Ставете го врвот на леткумот во солната киселина. Ќе стане џам калајот и врвот.
4) Ја ставате конструкцијата од двете увртени жици во солната киселина и внатре, во самиот раствор, лемите со растопениот калај на врвот на леткумот. Притоа, правите мали повремени паузи и гледате врвот да биде некаде на површината на нивото на солната киселина (да не биде премногу потопен во неа бидејќи така многу брзо ќе почне да се лади). Впредените жици, може слободно целосно да ги потопувате и вадите. Всушност, нив ги движите по врвот на леткумот и калајот
.
5) Додадете си калај по потреба и продолжите со процедурата се додека не изгледа како двете жици да се залемени.
Мене ми успеа вака. Можеби некој друг ќе најде некоја подобра процедура.
Се разбира, не планирав да ги оставам жиците само вака залемени, секако дека ќе бидат и механички споени со бакарна или железна стега околу нив, но мислам дека ако целата таа конструкција, заедно со стегата, се леми на овој начин, врската ќе има подобра проводност
.
Е сега, јасно ми е дека кантал жицата грее и дека можно е таа врска да попушти, тоа е повеќе од јасно. Но, ако се одвојат овие два дела (двата краја на кантал жицата) од делот кој е наменет да грее (оној кој е мотан во спирала или брановидно, каде што и се концентира најголемиот дел од топлината), не верувам дека жицата на самите краеви ќе дигне доволно висока температура за да го стопи калајот
. А дури и да се случи тоа, секогаш како backup, останува механичката врска меѓу двете жици (стегата)
. За додатно да се стегне целата конструкција и да се спречи евентуално капење на калајот доколку се стопи, може да се искористи термо црево кое, некое кое е малку „кнап“ за да може убаво да стегне и на крајот од бакарната жица (која е сигурно доста подебела од кантал жицата) и на крајот од кантал жицата (која сигурно е доста потенка од бакарната).
Имам план да ја пробам и оваа комбинација во наредниве денови, ќе гледам да сликам и да пишам резултати
.
EDIT: Не можев да чекам
. Еве резултати од лемењето со железна стега (лимче од куќиште на компјутер).
Пред лемење.
По лемење.
Арно ама :S... пак го има тој проблем со одлепувањето на кантал жицата на почетокот на лемот кога ќе пробаш механички да ги одвоиш кантал жицата и бакарната жица, ама мислам дека ова нема да се реши со било каков тип на лемење :S. Можно е и кантал жицата да е таква... не знам од кој материјал е изработена.
Но, сепак, мислам дека најважно е што поради механичката заштита (стегата), не може да продолжи одлепувањето на кантал жицата од лемот
.