Мислам дека и на овој под-форум му требаше ова, а и ќе се намали бројот на непотребни теми поврзани со кратки прашања...
Да ја почнам темава со еден голем проблем на кој што наидува секој кој пробува да направи солид-стејт теслин трансформатор (користи полупроводнички компоненти за контрола на струјата во примарната намотка), а тоа е таканаречениот shoot-through, појава при која по некоја случајност два од контролните елементи се вклучени истовремено, што и дава лесен пат на струјата да протече (ефективна куса врска на напојувањето). При оваа појава страдаат двата контролни елементи, а тоа станува многу скапа работа кога се користат транзисторски модули...
За да се реши овој проблем, сите чипови- драјвери за FET и IGBT транзисторите имаат вграден елемент кој прави кратка пауза помеѓу вклучувањето и/или исклучувањето на транзисторите што не дозволува двата транзистори да се вклучат истовремено. Но овде пак се јавува проблем- доколку транзисторите имаат долги времиња на вклучување и исклучување, што пак може да доведе до оваа појава...
Едно време размислував за универзален начин на заштита на транзисторите без разлика на нивните прекинувачки карактеристики. Еве како изгледа една класична шема, полу-мостен инвертор со MOSFET-и.
Еве со што излегов на крај, во овој случај, доколку и двата транзистори се вклучени истовремено, струјата ќе протече низ двете намотки, а не само преку транзисторите...
Еве изглед на шема во реалност заедно со позицијата на намотките...
Некои работи ми се шематски претставени заради подобра прегледност.
Еве како изгледа магнетното поле кога струјата тече низ црвената намотка.
Еве како изгледа магнетното поле кога струјата тече низ сината намотка.
Еве, стигнав до прашањето, што ќе се случи доколку струја протече низ двете намотки, знам дека ќе се создадат две спротивни магнетни полиња, ама незнам тоа каков ефект ќе има врз останатиот дел од колото, некој има претпоставка?