Македонски форум за електроника
Електронски уреди => Бела техника => Topic started by: GigaWatt on 20.10.2013, Sunday, 21:06:10
-
Овој проблем го имам од по одамна, но морав да пробам се, па дури тогаш да прашам.
Значи вака. Машината за перење го прегрејува шеткерот до степен да се топи или чади. Сменети се три шеткери до сега, секој од нив се стопил или чадел. Првиот имаше бакелитна шасија за контактите, бакелитот почна да чади, по неколку „чадења“, веќе морав да го сменам бидејќи почна од прегрејување да се крши бакелитната шасија за контактите. Вториот, имаше керамичка шасија за контактите. На овој, не му се стопи шасијата (бидејќи е од керамика), но оклопот беше пластичен и целосно стопен (дури и дел од стопената пластика се имаше сраснато со керамиката и едвај го отворив за да го сменам). Третиов, не е нов, но е Југословенски, стар, изваден од приклучок за кујнско бојлерче. Штекерот беше во одлична состојба. Освен тоа, контактите ги избришав и исшмирглав (на местата каде што буксните треба да имаат контакт), целиот штекер беше исчистен (од прсканици од манџи, ајвари и што уште не ;D) и сметав дека е целосно исправен. Прво, за тест, пред да го монтирам, го пробав со правосмукалка која влече околу 8A струја, а паралелно на правосмукалката, на штекерот приклучив и калорифер со моќност од 2KW (преку добар, квалитетен „лопов“ со два излези). Го оставив така да работи некое време (околу половина час) и немаше никаков проблем, штекерот само малку се загреа. Контактите беа топли, но далеку од жешки (да не можат да се допрат). Уверен дека штекерот има добар контакт и дека е во одлична состојба, го монтирав (да потсетам, ова е веќе трет штекер) на местото на кое треба да се приклучи машината за перење.
Кога машината за перење е пуштена на 40oC (за шарени алишта), штекерот (машкиот, од машината за перење, не тој на ѕид што е монтиран) беше прилично загреан (далеку од тоа да не можеш да го допреш или да чади, ама па затоа, кога ќе го извадиш штекерот од ѕидниот приклучок, буксните беа прилично топли (накај жешки, може да се допрат и да не се изгориш, ама не можеш да ги држиш). Денес, прв пат по монтажата на последниот (третиот) ѕиден штекер, машината за перење беше пуштена на „вриење“ (бели алишта, постелнина). Е сега, слично како и претходните, штекерот почна да чади ::).
Сега сум веќе убеден дека машината за перење е проблематична. Проверен е машкиот приклучок (од страната на машината за перење), нема проблем со буксните, шрафчињата за стегање на жиците се одлично стегнати. Освен тоа, и тој е еднаш менуван (од истата причина, прегревање и топење на пластиката околу контактите) со стар (исто Југословенски) бакелитен штекер. Исто како и ѕидниот приклучок (штекер) и овој беше репариран и исчистен (исто како и последниов трет штекер, изваден е од кујнско бојлерче, па мораше и тој да се чисти од мрснотии и нечистотии).
Мислам дека проблемот е последица на една од две причини:
1) Некаде во машината за перење има лош контакт, најверојатно кај греачите, бидејќи тие влечат најмногу струја, контактот прегрева и троши додатно струја за совладување на отпорноста од лошиот контакт, па ова предизвикува прегрејување на штекерот.
2) Греачите се неадекватни (трошат премногу струја). Не знам кој се не ја има чепкано машинава за перење (не сум поправал машини за перење претходно, не сум навлезен во оваа проблематика, најдалеку што сум стигнал во поправање на бела техника се фрижидери и тоа основни проблеми, промена на термостат, проверка на мотор, врзување на мотор, итн., така да, и јас како и сите останати „обични смртници“, сум викал мајстор кога ќе се расипела машината за перење ;D), така да, не знам дали се менувани, какви греачи се монтирани и дали се адекватни за таа машина за перење.
Мислам дека е нормално малку да е загреан штекерот кога машината за перење е на вриење, ама што знам... ова веќе е претерано. Не можам само штекери да менувам ;D. Ај, и не ми е толку гајле за парите, ама па ѕидот е бушен веќе 3 пати на три различни места за дупките за трите различни штекери, веќе решето е :S. А да не зборувам и за одвоеното време за монтирање на штекерите :S. Не можам јас секој викенд по едно вриење да одвојувам по 2 часа за менување на нов штекер :S.
Прашањето ми е: ако може некој да ми сугерира што да проверам и кај да проверам, дали да ја отворам машината за перење, дали да не ја отворам, дали нешто трето да проверам, да ја проверам внатрешната инсталација, итн. Исто така, дали е некој запознаен со сличен или ист проблем баш со оваа машина за перење (Gorenje PS 30.6 Economic), не знам, можеби е некој типичен проблем со овој модел на машина за перење.
Искрен да бидам, ова не се случуваше порано, почна пред околу две години. Не сум сигурен, ама мислам дека проблемот прогредираше. На почетокот, штекерот почна само повеќе да грее, ама ајде, си викам, ништо страшно, можеби со време контактите малку оксидирале, па нема доволно добар контакт. Потоа, почна сериозно да загрева, се додека не дојде до чурење (на првиот штекер, кој, морам да напоменам, не беше сменет откако сме вселени во станот уште во 80-тите), по што мораше да го сменам. Истото се случи и со вториот, со таа разлика што овој не чуреше (барем не многу) бидејќи шасијата беше керамичка (само оклопот беше пластичен). И сега третиов... на 40oC грее, на вриење, чади :S.
Еве како изгледа ѕидниот штекер, сега, по „чадењето“.
(http://www.mediafire.com/convkey/1028/zunmuib8aclw4v6zg.jpg)
(http://www.mediafire.com/convkey/c8ae/rws8i5pt8c6n6vazg.jpg)
(http://www.mediafire.com/convkey/c4f1/rsp2pxwg3a7xamrzg.jpg)
Исто така, забележав дека делот со прекинувачите во машината за перење (оној дел со копчињата за ON/OFF, Economic...) е многу загреан кога работи машината. Не го допрев за време на работа на машината, ама дури и по два часа по гасење на машината, делот со прекинувачи беше топол. Еве слики од него.
(http://www.mediafire.com/convkey/7ffc/5cf412a18ucd727zg.jpg)
(http://www.mediafire.com/convkey/8bdb/nix6jrscafu82vzzg.jpg)
(http://www.mediafire.com/convkey/ce6b/w4mjoe2dl67r6nszg.jpg)
(http://www.mediafire.com/convkey/bad6/j66uhg5njrslpkmzg.jpg)
Се гледа дека скоро сите контакти за клемите се оксидирани, а и посивени (претпоставувам од греење), ама не се разбирам премногу во бела техника, можеби ова и не пречи многу на работата на машината ???.
Не знам... ако некој знае, нека даде некој совет, што да проверам, на кои места, што да мерам, колкава отпорност треба да има од точка до точка преку две или три клеми, итн.
Однапред, благодарам ;).
-
1) Некаде во машината за перење има лош контакт, најверојатно кај греачите...
Не може некаде во машината да има лош контакт, а да се грее штекерот.
Греење се јавува на местото каде што има лош контакт.
Бидејќи си ги средил лошите контакти кај штекерот, останува тоа дека машината влече повеќе струја од предвиденото.
Мое мислење е дека греачот е сменет и е многу појак од оригиналниот.
Немам големо искуство со бела техника, па нека каже некој поискусен.
-
многу мизерно изгледа тој штек, Има надавани жици, боите ми се некако сомнителни да се провери кој е пресекот на истите, и ако треба смени го од осигурачи до самиот штек. Дали имаш ФИД склопка?
Дали ја провери пералната со шасијата дали има спој? можно е спрема заземјувањето “додатно“ да влече уште некој ампер струја. Со струјна клешта ако е можно измери ја струјата кога е вклучено греењето и кога работи центрифугата.
Ако е пресекот добар скрати го кабелот и преработи го штекот малку повисоко од постоечката положба.
-
Лоши контакти кај штекерот, за проба јас вака би направил, редни клеми и жица на жица ќе спојам, да нема ништо измеѓу, може да ти прави проблем лош утикач (машкиот де)
-
Да колкава тие дебелината на каблите од штекот и штекот е некако мизерен види кога машината работи на вриење или на центифруга колкава струја влече тоа со струјна клешта измериси на фазата или на нулата мое мислење главниот прекинувач е оксидиран и прави да влече преголема струја и грее и чури или многу јак греач имаш чим чури поише на вриење некако многу се оксидирани контактиве ;D
-
Не може некаде во машината да има лош контакт, а да се грее штекерот.
Греење се јавува на местото каде што има лош контакт.
Е како не може. Ако некаде има лош контакт, значи дека на тоа место има поголема отпорност од предвидената. Ако отпорноста е поголема, контактот на тоа место грее, ама ова значи и дека дополнителна моќност повлекува уредот за загревање на лошиот контакт. Тоа пак, значи дека и самиот уред ќе троши повеќе струја, што пак значи дека ќе се јави и зголемено греење на контактот кај штекерот.
Но, како што пишав, грее многу и скецијата кај прекинувачите на предниот дел од машината за перење. Дури и по два часа од исклучување на машината од работа, делот со прекинувачите (на сликите) беше топол.
Бидејќи си ги средил лошите контакти кај штекерот, останува тоа дека машината влече повеќе струја од предвиденото.
Мое мислење е дека греачот е сменет и е многу појак од оригиналниот.
Да проверам колку струја влече секој од греачите? Можам и тоа да го проверам, само не знам дали треба еднаква јачина на струја да влечат :S. Можеби оној кој е за шарени алишта (до 40 степени) да е наменет да влече помалку струја од оној кој додатно се пушта кога машината е ставена на вриење ???. Не знам, затоа прашувам ???.
многу мизерно изгледа тој штек, Има надавани жици, боите ми се некако сомнителни да се провери кој е пресекот на истите, и ако треба смени го од осигурачи до самиот штек.
Е не беше мизерен пред да почне да чури :S. А тоа што има наддавани жици, не верувам дека многу влијае. И тоа само една е наддавана (нултата). Морав така да направам бидејќи 3 пати е менуван штекерот и на секое менување, морав по малку да го кратам кабелот бидејќи делот веднаш до местата каде што се монтираат жиците толку греел, што практично изолацијата на жиците беше стопена и ќумуросана... практично неупотреблива. Дебелината на кабелот од наставката е повеќе од доволна (не мерев, ама прилично дебела е жицата). Нека не те чуди бојата, не ми текнува од каде е извадена, ама не беше бирана според боја, туку според дебелина ;). Единствена разлика е тоа што наставката од кабелот е лицнаста, а онаа од инсталацијата е полна жица.
Освен тоа, не верувам дека е тука проблемот. На сликите се гледа каде се јавило греење, кај контактите. Лустер клемата со која е врзаната наставката воопшто не беше ни загреана кога го отворив штекерот (загреана беше малку, ама само поради греењето на околните делови, не дека и она греела). Се гледа кај има оштетување на изолацијата на наставката, на секцијата која е врзана за контактите од штекерот (шрафчето). Значи, всушност, тој дел греел, а не наставката.
Да менувам инсталација од осигурувач до штекер, нема шанси. Сега немам ни време ни пари да го правам ова. Евентуално, ако треба таква информација, може да пробам на друг штекер да ја приклучам машината за перење па да видам дали и тој ќе грее. Да го пробам ова?
Дали имаш ФИД склопка?
Не, немам, но може да проверам дали тече струја према маса кога ќе ја врзам машината за перење ;). Прво ќе проверам дали и друг шуко штекер се загрева ако ја врзам машината за перење за него, па потоа, ако евентуално и тој штекер загрева, ќе проверам да видам дали тече стуја од некој дел од машината за перење према маса ;). Ќе пишам резултати ;).
Дали ја провери пералната со шасијата дали има спој? можно е спрема заземјувањето “додатно“ да влече уште некој ампер струја. Со струјна клешта ако е можно измери ја струјата кога е вклучено греењето и кога работи центрифугата.
Не, немам проверено, но ќе го проверам и ова и ќе пишам резултати ;).
Инаку, нема проблем кога оди центрифугата. Проблемот се јавува кога ќе почне да врие, кога се и двата греачи пуштени :S. Кога е само едниот греач пуштен... ајде, и така и така, загрева, ама не чури, ама еве, сега на вриење беше и почна да чури :S.
Со струјна клешта ако е можно измери ја струјата кога е вклучено греењето и кога работи центрифугата.
Па ова изгледа најдобра идеја ќе да е. Јас планирав да врзувам во серија унимер, ама па тој не може да мери струи поголеми од 20A, а врз база на стопениве штекери, кој знае, не е чудно и повеќе од тоа да влече :S.
Немам струјна клешта, но ќе најдам и ќе измерам, ќе пишам резултати ;).
Ако е пресекот добар скрати го кабелот и преработи го штекот малку повисоко од постоечката положба.
Не верувам дека е проблемот до пресекот на кабелот. Супер си работеше штекерот до пред неколку години (малку грееше, ама далеку од многу). Освен тоа, го имам допирано и делот од кабелот кој излегува од штекерот, тој никогаш не бил загреан. Секогаш греел само штекерот (до пред неколку години малку, последениве две години, изгледа прогредира проблемот, се повеќе и повеќе :S).
Не можам повеќе да го кратам кабелот, три пати е кратен :S. Едвај го монтирав последниов штекер :S. Ќе треба да наставам ако планирам уште да го кратам :S.
А зошто да го монтирам повисоко од постоечката положба? Како би влијаело тоа врз конкретниот проблем? Не ми е јасно ???.
Лоши контакти кај штекерот, за проба јас вака би направил, редни клеми и жица на жица ќе спојам, да нема ништо измеѓу, може да ти прави проблем лош утикач (машкиот дел)
Имам пишано, три пати го имам менувано штекерот, не може сите три да се лоши.
А тоа редно „клема со клема“, и тоа имам пробано. Е така не грее спојот, ама па не може така да ја оставам машината за перење, врзана клема со клема.
...мое мислење главниот прекинувач е оксидиран и прави да влече преголема струја и грее и чури или многу јак греач имаш чим чури поише на вриење некако многу се оксидирани контактиве ;D
Главниот прекинувач одамна не работи ;D. Од сликите се гледа дека е заглавен со парче кабел да биде цело време на ON, машината се гаси само преку штекер.
Епа мене тоа ми беше прашањето. Дали мислите дека контактите се до толку оксидирани да прават значителен проблем или можеби проблемот е во прекинувачите на предната плоча од машината за перење (пишав дека и цел тој дел од прекинувачите, целата таа секција, дека грее, и тоа многу).
-
Дали просторијата каде што ти е машинава има добар провев.Имав еден проблем и јас со една сијалица(дури се гасеше сијалицата) од лошиот провев.Посебно во зима,кога ќе се туширав или бањав(во бањата се наогаше проблемов-со сијалицата)бидејќи се правеше голема пареа,голема беше влазноста и сега со подобар провев го решив проблемот со еден вентилатор. ;) ;D Мозеби и влагата од ѕидовите да го прави овој проблем?
-
Не е до провевот проблемот. Ајде, разбирам да се случува летно време, ама ова се случува сега, зимно време (добро, есенско време) со отворена врата према лоџијата, а во лоџијата, џамот е цело време отворен. Освен тоа, не е дека е „сауна“ во купатилото кога е машината пуштена. Топло е, потопло отколку кога не е пуштена, ама далеку од тоа дека не може да се влезе во купатилото од што е жешко кога е пуштена машината за перење.
Е тоа со влагата, можно е да прави проблеми. Машинава си цури на random уште од одамна. Се нешто се поправа, се прави, ама оваа продолжува да си цури, де од едно, де од друго место :S. Можно е и контактите да оксидирале од тоа :S, многу влага :S. А сега, последна дупка која ја има е на пластиката каде што треба да го прими омекнувачот. Не користиме омекнувач, пластиката на тој дел е напукната и си цури од таму. Е сега, треба рачно да го рипнеш тој дел од програмот за да не направи мала поплава :S... а некогаш, знаеме и да го промашиме малку темпирањето и да си направи мала локвичка низ купатилото :S. Среќа дупли плочки имаме, не цури надолу накај комшиите...
-
Ако некаде има лош контакт, значи дека на тоа место има поголема отпорност од предвидената. Ако отпорноста е поголема, контактот на тоа место грее, ама ова значи и дека дополнителна моќност повлекува уредот за загревање на лошиот контакт. Тоа пак, значи дека и самиот уред ќе троши повеќе струја, што пак значи дека ќе се јави и зголемено греење на контактот кај штекерот.
Ова е спротивно од омов закон.
-
Па ако гледаш од класичен аспект, да, спротивно е. Но, еве, да претпоставиме дека контактите до греачот се проблематични. Греачот се стреми да си ја постигне декларираната моќност, дури и при помал напон, кој сигурно ќе го има на неговите крави, ако се јавува пад на напон поради лоши контакти. Лошите контакти загреваат дополнително и трошат струја. Значи, поради нискиот напон, грачот ќе влече повеќе струја, а и контактите дополнително ќе трошат струја бидејќи греат. Ова ќе значи дека дополнително струја ќе троши уредот.
-
Убаво кажа дека лош контакт претставува зголемен отпор.
А зголемен отпор во струјно коло, никако не може да доведе до зголемување на струјата низ колото.
-
А зголемен отпор во струјно коло, никако не може да доведе до зголемување на струјата низ колото.
Може ако сака греачот да компензира и да ја постигне декларираната моќност, па поради намалениот напон на неговите краеви, да повлече повеќе струја. Греачите не се обични отпорници.
-
А зголемен отпор во струјно коло, никако не може да доведе до зголемување на струјата низ колото.
Може ако сака греачот да компензира и да ја постигне декларираната моќност, па поради намалениот напон на неговите краеви, да повлече повеќе струја. Греачите не се обични отпорници.
Еј, дај немој те молам. Обични отпорници се да пообични неможе да бидат. Тоа колку струја ќе влечат зависи од нивната отпорност која многу малку се менува со температурата а колку време ќе работат ќе определи термостатот кога ќе ја постигне потребната температура. Него, земи од некаде струјна клешта и измери колкава струја влече машината додека работат греачите. А имав и јас ваков проблем со една греалка од 4KW. Ми исчуре два штекери и ете третиот се погоди. Па скоро како и кај тебе. Страшно лоши производи се продаваат по нашиве маркети. Затоа земи поскап и поквалитетен штекер.
-
Абе земи си поквалитетни малку редни клеми, земи си капаче за дозна пушти го кабелот низ капачето и поврзи се тоа убаво, малку изолир преку се тоа и затвори го и решен проблемот :D
-
Така греачот е скоро како отпорник добро тој исто така и се стреми и при послаб контакт да ја постигне максималната моќност е тогаш е лошо тој ќе прави да машината влече поголема струја најубаво зимај струјна клешта и види колкава струја влече греачот за вриењето тоест мери кога ќе уклучи програматоот вриење е сега друже значи машината грее според мене заради слабите и оксидираните контакти околу главниот контакт можно е пошо викаш не работи и преку штекер се гаси така да кај него кога е заглавен на уклучено заради прљавштини да е зголемен отпорот и да грее тука а чим викаш дека си скокал и програми од програматорот сигуно има внатре исто некој лош контакт и затоа грее најубаво струјната клешта и мери колку грее и колкава струја влече тоа греачот види па известине ;D измери и ќе си знаеш на што си ;D
-
Еј, дај немој те молам. Обични отпорници се да пообични неможе да бидат. Тоа колку струја ќе влечат зависи од нивната отпорност која многу малку се менува со температурата а колку време ќе работат ќе определи термостатот кога ќе ја постигне потребната температура.
Апсолутно дека зависи, но јас оние кои ги имам мерено пак (конкретно греачи од обични Кинески леткуми, мотани со кантал жица), отпорноста значително им се менувала кога жицата е ладна и кога е загреана. На пример, сум измерил отпорност од 50-тина Ohm-и кога жицата била ладна, кога била загреана, (веднаш по вадење од напојување, штекер), отпорноста била 70-тина, 80-тина Ohm-и.
Е сега да, отпорноста се зголемила, што значи дека леткумот нема толку струја да троши, но кај обичен греач, имам забележано дека знае да повлече повеќе струја (од декларираната, на пример деклариран бил на 800W, значи дека за напон од 230V, треба да повлече струја од околу 3.5A), при помал напон, не веднаш, но по некое време работа, повлекува струја за нешто повисока (во конкретниот случај, околу 4A беше јачината на струјата). Напонот го намалував со авто-трансформатор со одвоен секундар. Не знам колку ова влијае при мерењето (претпоставувам малку).
Ситуацијата ми беше чудна. Од една страна, кај кантал жица, отпорноста се зголеми, што значеше дека и помалку струја троши кога е жицата загреана. Од друга страна, кај обичен греач, за помал напон, греачот повлече повеќе струја, што значи дека отпорноста му се намалила. Претпоставив дека греачот „сака да компензира“ за намалениот напон, па ја зголемува потрошувачката на струја (ја намалува отпорноста).
Ова се некои мерења кои ги имам правено, инаку, на факултет, немам учено за греачи и грејни тела (немав таков предмет) и никогаш не ни беше кажано дека греач е најобичен отпорник. Ако е ова вистина, тогаш јавно се извинувам и на тебе и на Zan, моја била грешката, не сум знаел ;).
Да бидам искрен, практичниве мерења и мене ми беа малку парадоксални. Не мислев дека има толкава разлика меѓу жица од обичен греач и кантал жица, едната да зголемува а другата да намалува отпорност. Или мерењата ми биле грешни, или јас сум начекал некоја чудна кантал жица или некој чуден греач... сега ме копка кое од овие три е точно ;D.
Да се вратам назад на темата ;).
Него, земи од некаде струјна клешта и измери колкава струја влече машината додека работат греачите. А имав и јас ваков проблем со една греалка од 4KW. Ми исчуре два штекери и ете третиот се погоди. Па скоро како и кај тебе.
Ова е прво што планирам да направам. Ќе позајмам или ќе купам струјна клешта и од утре ќе имам презентирано и мерења ;).
A имав и јас ваков проблем со една греалка од 4KW. Ми исчуре два штекери и ете третиот се погоди. Па скоро како и кај тебе. Страшно лоши производи се продаваат по нашиве маркети. Затоа земи поскап и поквалитетен штекер.
Претпоследниов што го земав беше најскапиот штекер во Електроелемент (не овој сега што е исчурен, тој пред него) ;D. Ако не, дај посочи, од каде да купам, кај има поквалитетни, да не фрлам пари за џабе ;).
-
Јане,јас малку покасно се вклучувам во дискусијата.Немам време за долги написи ,па само на кратко- Греачот има отпорност и се третира и како отпорник,но со време поради греењето материјалот полека ја губи декларираната отпорност и знае греачот да ја намали отпорноста,при што нормално,се зголемува струјата и поради тоа греат и се топат водови,па и штекери.Сум имал лично проблеми и вака сум ги решавал.Прво,смени ги со силиконски изолирани лицнести проводници сите сомнителни водови до греачите.Можно е и некој контакт да варничи или нема добар спој ( смени нови бакарни спојки,истругај контакти,калајдисај или залеми во краен случај!) .Јас штекерот во една ситуација ( 3 пати се топеше !) го решив со поставување на трофазен приклучок,со тоа што ке врзаеш само една фаза,нула и заземјување ( обавезно).Значи искористи го само трофазниот приклучок,а како ќе го врзеш не е проблем ,само да пренесува добро -фаза на фаза,нула на нула имаса на маса!! ;D ;D
-
И ова решение не е лошо ;).
Е сега, ако веќе менувам нешто во инсталацијата и во начинот на врзување на приклучокот на машината за перење, имам неколку прашања бидејќи не се разбирам многу од енергетска електроника ;D.
1) Дали смеат да се калаисуваат лицните од кабелот пред да се постават во буксните од штекерот или на места каде што треба да се зашрафат (под шрафче)? Јас мислам дека смеат и дека подобар контакт (помала отпорност) ќе има во ваков случај, ама да прашам, да не згрешам случајно :S.
2) Дали внатре, во машината за перење, место да поставувам буксни или лустер клеми на местата на кои треба да се преспојат определени водови или при врзување на водови за прекинувач или некој друг дел, смеам да ги лемам жиците место да поставувам буксни или лустер клеми? И, ако смеам да лемам, како да ги лемам. Дали да гу увртувам водовите, па потоа да ги лемам и двата водови заедно или да ги калаисувам, па потоа да ги поставам еден до друг и да ги прекријам со калај?
3) Дали да чепкам нешто кај програматорот (од аспект на подобри контакти, не да преуредувам контакти) или не?
-
Одговор:
а) смееш да калајисуваш и лемиш ( проверено)
б) смееш,само изолирај добро со изолирбан или термо црево
в)Ако некои споеви гледаш дека греат можеш слободно да ги залемиш.Кај обичните програматори(механички) ,добро е да се залемат надворешните водови за програматорот и нивно изолирање со термо - црево
-
б) смееш,само изолирај добро со изолирбан или термо црево
А подобро е како на левата или десната страна од сликата да ги увртувам па да ги лемам? Или воопшто да не ги увртувам?
(http://www.mediafire.com/convkey/8339/dzf6jt2w6o3tn26zg.jpg)
-
смееш како сакаш да ги лемиш, само ако сакаш по стандард да ти биде ги поставуваш паралелно една покрај друга без увртување и така ги лемиш, ова ти е стандард одобрен од НАСА, каде што се останато е забрането :D
немој да ги лемиш кај што има греење, ќе ти го топи калајот, најчесто се избегнува тоа
-
Можеби ова ќе ти помогне
Бидејќи се работи за стара машина каде многу многу не се гледало на енергетската ефикасност во тоа време и овие машини трошат електрична енергија како луди.
Доколку не ја преместуваш машината освен за генераллно чистење на просторијата каде истата се наоѓа, смени го и штекерот и приклучокот со индустриски приклушок и штекер.
Поздрав.
-
Мој совет е да си ставиш лицнасти проводници барем 2,5 мм пресек со силиконска изолација.Кај нив може да има греење ,ама изолацијата нема да се стопи.Проблеме што се овие проводници малку поскапи,ама за два -ти метри нема да имаш проблем.И не верувам толку да влече машината и да ги загрее водовите.Слободно леми ,без гајле од греење,ако пресекот е добар.Било како да лемиш најди си термо цевчиња за изолација со доволен пресек и со обичен упаљач гори ги да се соберат. ;D
-
@Гига
Види, ако си забележал зголемување на отпорност кај кинеските леткуми со мерење во ред е. Верувам дека е така. Обично сите проводници од чисти метали или легури имаат позитивен темп. коефициент. Значи, со зголемување на температурата се зголемува и отпорноста. Кај греачите се тежнее овој темп. коефициент да е што помал баш поради одржување на постојана отпроност. Намалување на отпроност со температурата постои само кај графитот. Значи, исправен грејач неможе да ти прави ваков проблем. Греач се прави како коаксијален кабел. Во средина е опторна жица па керамичка обвивка па врз тоа бакарна кошулица која е поврзана на маса (земја). Ако случајно е пробиен пат од отпорната жица према масата (кошулицата) греачот се "скратува", неговата отпорност се намалува, струјата што ја влече од мрежа се зголемува а осигурачот немора да изгори. Мој совет е да го провериш со омметар греачот. Откачи ги клемите од греачот и провери ја отпорноста од било која клема кон шасијата. За ова немора да го вадиш греачот надвор. Се вади само задниот капак од машината. Ова мора да го провериш откако машината ќе прими вода. Значи, кошулицата на греачот да биде мокра.
Што се однесува до штекерите. Најдобри се оние што околу контактите (дупките) имаат мала челична спирала а не се направени само како перца. Ова за жал неможе да го видиш во продавница. Единствен начин е: купи па види.
Што се однесува до лемењето на лицнестите проводници пред да се стегнат во клема, тоа е препорачливо. Добар уред се препознава по ваквите лемени завршетоци, лош уред (на две на три склопен) има само умотана лицна а високо квалитетен уред има на краевите од лицнестиот проводник бакарни цевчиња стегнати со специјална клешта ( а може и обична).
Што се однесува до извинувањето што го упати до мене и до Zan помислувам дека можеби се најде малку навреден за нешто. Не ми било тоа намерата.
И на крај, дај види измери со струјна клешта колку влече оваа машина од мрежа па пиши.
П.С
Ако не се снајдеш со клешта знаеш кај сум пиши ПП, имам една стара аналогна, заврши работа па врати ми ја, спомен ми е од rahmetli таткo ми.
-
Што се однесува до мене, немаше потреба за извинување ;)
-
Денес немав време да го разгледувам проблемот со машината за перење. Можеби утре или некој друг ден.
Види, ако си забележал зголемување на отпорност кај кинеските леткуми со мерење во ред е. Верувам дека е така. Обично сите проводници од чисти метали или легури имаат позитивен темп. коефициент. Значи, со зголемување на температурата се зголемува и отпорноста. Кај греачите се тежнее овој темп. коефициент да е што помал баш поради одржување на постојана отпроност. Намалување на отпроност со температурата постои само кај графитот. Значи, исправен грејач неможе да ти прави ваков проблем.
Е можно е да бил неисправен или делумно исправен оној греач кој го имав анализирано (на кој ги вршев мерењата), не викам не. Ми беше даден од еден комшија кој се „бафта“ со вакви работи (греачи, грејни тела, ова она) и не ми кажа дали е исправен или не, само ми го даде бидејќи ми требаше за еден друг експеримент, а овие мерења кои ги направив, беа попатни, чисто ме интересираше ;).
Греач се прави како коаксијален кабел. Во средина е опторна жица па керамичка обвивка па врз тоа бакарна кошулица која е поврзана на маса (земја). Ако случајно е пробиен пат од отпорната жица према масата (кошулицата) греачот се "скратува", неговата отпорност се намалува, струјата што ја влече од мрежа се зголемува а осигурачот немора да изгори. Мој совет е да го провериш со омметар греачот. Откачи ги клемите од греачот и провери ја отпорноста од било која клема кон шасијата. За ова немора да го вадиш греачот надвор. Се вади само задниот капак од машината. Ова мора да го провериш откако машината ќе прими вода. Значи, кошулицата на греачот да биде мокра.
Уште еден добар совет ;). Кога ќе имам време и ова ќе го испитам ;). Како што пишав, денес немав време, ама деновиве ќе се фатам за работа ;).
Што се однесува до штекерите. Најдобри се оние што околу контактите (дупките) имаат мала челична спирала а не се направени само како перца. Ова за жал неможе да го видиш во продавница. Единствен начин е: купи па види.
Па баш таков беше последниов ;). А и тој првиот ;). Само вториот штекер (оној со керамичка шасија) немаше федери за стегање на контактите (јас така ги викам ;D). Дури кај овој последниов, од што толку беа добри челичните федерчиња за стегање, едвај се ставаше „утикачот“ од машината за перење во штекерот. Требаше навистина убаво, со сила, да го вметнеш. Баш затоа и решив со него да пробам, бидејќи ми изгледаше дека се одлично изведени овие челични федерчиња за стегање.
Што се однесува до лемењето на лицнестите проводници пред да се стегнат во клема, тоа е препорачливо. Добар уред се препознава по ваквите лемени завршетоци, лош уред (на две на три склопен) има само умотана лицна а високо квалитетен уред има на краевите од лицнестиот проводник бакарни цевчиња стегнати со специјална клешта ( а може и обична).
Благодарам и за овој совет ;). Не сум знаел ;). Во уреди за комецијална употреба (нисконапонска електроника, како што знаат да ја викаат, иако често во неа може да има и напон стотина пати поголем од мрежниот ;D, ама ајде ;D), со какви најчесто сум се среќавал, најчесто нема лустер клеми или буксни и некои слични работи бидејќи уредите најчесто не влечат многу струја, па нема потреба од некои посебни типови на врзувања ;). Затоа и не знаев и прашав ;). И кога пишав „не се разбирам многу во енергетска електроника“ пред се мислев на тоа дека не се разбирам во начини на врзување при големи јачини на струи ;). За мали, знам како треба ;D, ама за големи... морам да прашам, не сум многу запознаен со таа проблематика ;).
Што се однесува до извинувањето што го упати до мене и до Zan помислувам дека можеби се најде малку навреден за нешто. Не ми било тоа намерата.
Не, не бев навреден. Јас од некои мерења имав една престава за греачите, а излезе дека моите мерења биле делумно точни :S. Не сум учел за нив, па врз база на моите мерења, ги имав пишано оние заклучоци во претходните post-ови ;). Се извинив бидејќи очигледно е дека не сум бил во право (барем не целосно ;)).
Што се однесува до мене, немаше потреба за извинување ;)
Јас си пишав бидејќи сметав дека треба да се извинам ;).
П.С
Ако не се снајдеш со клешта знаеш кај сум пиши ПП, имам една стара аналогна, заврши работа па врати ми ја, спомен ми е од rahmetli таткo ми.
Благодарам за понудата, ќе ја земам во предвид ;).
ПС: Како што веќе пишав, немав време денеска да го чепкам проблемов, но забележав варници на контактите за масата на ѕидниот штекер. Можно е вистина да враќа некоја компонента према маса (како што посочи MURO и а и некои други членови). Моја претпоставка е дека е некој греач, бидејќи тие се оние кои се под најголем стрес, греат, а изолацијата (масата) им е прилично блиску до грејното тело, така да „држи вода“ теоријата дека некој греач „пробил“ према маса.
Ќе пишам кога ќе имам повеќе информации ;).
-
Па замени греачи,мислам дека не се многу скапи.Барем ке бидеш сигурен. 8)
-
Денес имав слободно време и направив некои мерење ;). Инаку проблемот е отстранет ;).
Прво, фатив да мерам некои од работите кои беа предложени од некои од членовите. На пример, прво на омско подрачје на унимерот проверив дали има некоја конечна отпорност меѓу земја и некој од напојувачките водови (нула, фаза), немаше. Потоа, со скратен машки приклучок (утикач), само преку нови буксни, беше приклучена машината за перење да работи, а меѓу двете маси (онаа од штекерот и онаа од машината за перење) беше ставен амперметар (унимер на струјно подрачје) на подрачје од 20A~. Машината наполни вода, па беше ставена на вриење, па на центрифуга и некои други подрачја со цел да се види дали при поголемо оптеретување на машината се јавува течење на струја према маса. Амперметарот не индицираше ништо, дисплејот цело време стоеше на 0.000A. Но, забележав дека со овие буксни, штекерот воопшто не загреваше, а не загреваше многу ни предниот дел со прекинувачите (беше топол, ама далеку од жежок).
Ова ми беше малку чудно, па фатив и го отврив машкиот приклучок (утикачот). По малку подетална анализа на кабелот, забележав кабелот всушност се прецвикал на две места, едното многу блиску до буксната, а другото, веднаш под стегата за прицврстување на кабелот за машкиот приклучок. Затоа и толку греел штекерот. Всушност, ѕидниот приклучок не ни бил проблематичен, цело време грееле машкиот приклучок, односно каблите, оваа топлина се пренесувала на буксните, а овие пак го грееле ѕидниот приклуок. Јас мислев дека ситуацијата е обратна :S.
Како се прецвикал кабелот, не знам. Всушност, кабелот не бил целосно прецвикан, бил делумно прецвикан и затоа греел. Имаше само неколку исправни лицни, се останато беше стопено од греење. На секцијата која се стега кабелот за машкиот приклок, таму јасно ми е како настанало прецвикувањето (премногу бил стегнат кабелот изгледа или со време, од вртење, приклучување, вадење, ова она, се прецвикал), ама за делот измеѓу буксната и стегата за кабелот... навистина не ми е јасно како се прецвикал таму ???. Можно е да бил од претходно делумно прецвикан, па кога сум го менувал машкиот приклуок, да за малку не сум го отсекол тој дел и да сум го монтирал така.
А инаку, не забележав никави аномалии при проверката на машкиот приклучок, пред да го сменам последниов ѕиден приклучок, бидејќи приклучокот се отвора на половина (по средината од буксните) и целиот ќумуросан дел од кабелот бил на другата страна (онаа која не се гледа само со отворање на утикачот, треба да го отвориш и да ги дигнеш буксните за да го видиш проблематичниот дел, а јас, за жал, не го направив тоа :S... бев скоро целосно убеден дека машкиот приклучок е во ред). Кога го отворив целосно веднаш го забележав ќумуросаниот дел од изолацијата од долната страна на приклучокот. Потоа, ја пресеков на половина изолацијата од оној вод кој беше ќумуросан и видов дека проблемот не бил само на тоа место, туку дека имало уште едно место блиску до тоа место кое било проблематично (она каде што кабелот се прицврстува за приклучокот со стеги).
Како и да е, тој дел од кабелот (и малку по тоа место) е елиминиран (скратен). Пак го ставив истиот машки и женски (ѕиден) приклучок, со таа разлика што и двата беа исчистени и избрусени од нечистотии, од оксидиран метал од греење, итн. Сега, ги светнав и двата приклучоци (не само едниот, како претходно што направив) и нема проблем. Еве, баш сега е пуштена машината на вриење, заедно со алишта, кај приклучокот, штекерот воопшто не грее ;). Добро, малку загреваат буксните, ама тоа не е ништо сериозно, како да сте ги држеле буксните едно 5 минути во рака, сосема нормално за толку јак потрошувач ;).
Памет за друг пат: проверувај ги детално сите места, а не само она кое мислиш дека е проблематично ;).
Благодарам на сите за советите, предлозите и понудите за помош ;).
-
Ах,Ах ама се насмеав ни на крај памет не ми текна дека може и машкиот дел да е нешто у прекин и затоа грее а јас пак провери го главниот контакт греачот многу струја влече ова она ;D хахаха
-
Ама не, сериозно ;D. Лично го имам менувано и знам како добро го средив и направив, затоа и целосно не се посомневав во него. Го отворив, ама како што пишав, не ги дигнав буксните да видам под нив :S. Вака „провизорно“, се ми изгледаше ОК.
-
Има една поговорка,не е Марфи ,ама вака почнува : Поправката започни ја од напонскиот кабел на уредот.... Веројатно и некој друг го имал сличниот проблем ;D
-
Ама знаеш како е ;D, кога сам си правел нешто и знаеш дека добро си го направил, не се сомневаш во тоа ;D... или евентуално малку се сомневаш. Освен тоа, не ни било моја вина, монтажата била добра, кабелот се прецвикал со време или бил прецвикан уште кога сум го монтирал... само не ми е јасно, ако бил прецвикан кога сум го монтирал, како не ми се извадиле лицните кога сум пробувал да ги увртам па калаисам за да ги монтирам во буксните. Тоа не ми е јасно ???. Можно е и тогаш да биле делумно зашмелцувани од греење... ништо чудно.
А инаку, да, секогаш почнувам од напојувачка секција. Затоа и менував ѕидни приклучоци, за да се осигурам прво дека не се во прашање контактите ;).
-
Нека е со среќа :)