Кај тебе поинаков е футерот, али ќе видиме Гига што ќе кажи утре задутре.
Да, различен е, кај мене таква ситна бургија нема да ја стегне воопшто.
Тоа се чаурите. И кај мене стигаа различни со секоја гравирка
. Какви имале, такви шибале, Кинеска работа
.
@GigaWatt
Крив си за се` 
Го очекуваме загинатиот пост со разните додатоци за гравирките што ги купивме со @bicikle 
Знам знам
, sorry
.
Еве, ќе пишам се јово наново
.
Пак ќе наведам, Кинеските копии на Dremel 100 MultiPro се со одличен калитет за цената која ќе ја платите за нив, така да, би ги препорачал како перманентно решение за гравирка за било кој кој има намера да купи некоја евтина (Кинеска) гравирка
. Цената им е повеќе од прифатлива, а по квалитет на изработка се повеќе од солидни
. Освен тоа, големината на самата гравирка дозволува самата (без дополнителна сајла) да ја држите како пенкало/молив и така да работите со неа, за разлика од Кинеските гравирки, кои може да се најдат кај нас, кои, иако во предниот дел (каде што е навојот за футерот) личат многу на Dremel 100 MultiPro, во задниот дел се издолжени и се подолги од Кинеските копии на Dremel 100 MultiPro, што ги прави потешки за држење во рака
. Имаш шанса да држав ваква гравирка (Кинеска, купена во Македонија) во рака, потешка е во однос на Кинеските копии на Dremel 100 MultiPro, а освен тоа, и контролата за брзина ми е некако по непрактична за манипулација... не знам, можеби се имам навикнато на начинот на контрола кој го имаат Dremel-ите, ама некако непрактично ми се виде тркалото
.
Се разбира, си имаат и недостатоци, загреваат побрзо во однос на другите гравирки (барем повеќето, иако имаше една од оние што ги нарачав која воопшто не грееше
), така да, ако работите подолго од 15 минути со неа, најверојатно ќе треба да направите пауза потоа (јас обично правам пауза во исто времетрање од она што сум работел, значи 15 минути). Може и да ја оставите гравирката да работи во празен од на максимална брзина, така ќе се олади побрзо (најчесто за максимум 5 минути
).
Но, да бидам искрен... освен оваа маана, не можам да им најдам други
. Должнината на кабелот можеби... добро ќе беше да им е подолг кабелот
.
ОК, еве што ќе ви биде најнеопходно по набавката на било која гравирка
.
1. Multi-Chuck
Ова е must have
. Нема да најдете покорисен додаток од овој... што би рекле младите, „multi chuck е мамата“
. Има неколку типови, има подетално објаснување околу навоите на различните видови на гравирки и нивните копии во
оваа тема, но муабетов во последниве неколку страни од темава се се вртеше околу Кинеските копии на Dremel 100 MultiPro, така да, навојот кој го користат овие гравирки е 8mm x 0.75mm.
Има две различни изведби на овие футерчиња. Едните имаат покрупни резови по површината на футерот (наменети за рачно стегање, за да не ви се лизга футерчето во рака нели
, слични резови по површината на футерот имаат и класичните големи футери на бормашините
), а другите имаат поситни („пофини“) резови по површината. Првите (со пукрупни резови) се претставени на првата слика подолу, а вторите, оние со пофини резови се на втората слика.
Првите не ги бива. Запците им се прекратки и не го стегаат како што треба убаво додатокот кој треба да дојде во футерчето. Додатокот шантра и ќе поминете повеќе време во центрирање отоколу во работа
. Вторите се оние кои треба да ги земете
, оние со пофини резови
. Имаат подолги запци, со што подобро се центрира додатокот кој треба да дојде во футерот
. Практично, само го ставате додатокот и при стегање сам се центрира
. А и за нијанса се подолги вторите, што би било недостаток во случај на гравирка (подолг додаток значи повеќе шанси за дисбаланс на додатокот), но во конкретниот случај е предност, бидејќи тоа значи подолги запци
.
А, и нарачајте си повеќе од едно, ќе ви треба
. Алуминиумски се куќиштата (не и запците, тие се железни
), така да, поподложни се на абење од железните/челичните футери. Не се абат премногу брзо, далеку од тоа, но еве, веке скоро две години го користам првиот футер кој го нарачав, веќе е за менување, не ги стега баш како што треба најмалите бургии (1mm ја фаќа, ама 0.8mm не може да ја стегне
). Затоа, алуминиумски се и лесни и тешко дека ќе тресе или шантра гравирката со него
(и на тоа мислеле Кинезиве
).
Како за крај, не нарачувајте футерчиња од продавачи кои ги немаат наведено димензиите на футерчињата на сликите или во описот на производот. Често знаат да им стигнат bulk илјадници измешани и бидејќи не можат да се замараат да ги проверуваат навоите (кои се 7mm x 0.75mm, а кои се 8mm x 0.75), ги продаваат поевтино во однос на другите продавачи, но затоа не знаете што ќе добиете
. Лотарија е
.
2. Сет од мали бургиички
И ова ќе ви треба. Нарачајте си повеќе и од овие, бидејќи или се кршат или ќе ги прегреете (исчурите) при некои бушење
. За среќа, евтини се сетовите, така да, не е проблем
. Јас имав нарачано некој сет со 8 или 10 бургии (не ми текнува во моментов), од 0.8mm до 3mm, сеуште го користам, ама, да бидам искрен, скоро сите бургии се острени бидејќи или ги имав скршено, или ги исчурив
. Како и да е, ќе си ги репарирате додека можете, ама потоа ќе мора да купите нови
. Е за да не мора да нарачувате кога најмногу ќе ви требаат, земете си повеќе
.
Има најразлични типови на комплети кога станува збор за бургии (drill bits), но од она што сум имал шанса да пробам, излезе дека овие „сребрениве“ (челични најверојатно
) им се најдобри и најотпорни на греење
(остри се у ПМ и остануваат остри долго време
... освен ако не сте сивоња како мене и не ги испокршите сите
). Тие жолтите, нешто подобри се од оние што може нај нас да се најдат (жолти исто така), но не се како сребрениве
.
Како заклучок, јас би одел со следново при купување на бургиички, „ако е жуто, не го асапам, ако сија... дај слики да видиме колку сија“
.
Сепак, да не биде муабетов дека „оние жолтине не ги бива“, имам купено и конусни бургии од жолтите (мислам и дека немаше други на располагање), не можам да се пожалам
. Можно е така да ми се има погодено, кој знае
.
3. Камчиња за шмишајбна со импрегниран фиберглас
Е, овие се исто така „мамата“
. Има обични камчиња, без импрегниран фиберглас, но овие не ги бива. Малку ѕвизнете ги несакајќи, на пример, при ставање на гравирката на маса, и ојде камчето
... а само што сте го ставиле
. Многу поевтини се овие без импрегниран фиберглас, ама не се лажете, не купувајте такви, само за џабе ќе фрлите пари. Ем многу повеќе се трошат во однос на оние со импрегниран фиберглас, ем многу лесно се кршат. Малку да ви забега гравирката при сечење и толку, ќе се ѕвизне некаде и толку, „баци то смече“
. И ајде, ставај ново камче
, пак одшрафувај го шрафчето на оската, па стави ново, па пак стегај, па пази да не престегнеш, да не го пукнеш камчето
... абе шо да ти распраам
, додека исечам нешто, повеќе ќе се е*авате со менување на камчиња отколку со сечење
. Ајде, на страна да ставам се ова, ако ви се скрши при сечење, може око да си извадите
(пу пу пу, скраја да е).
Сега ми текна, не е лошо да имате и наочари ставено, било какви, додека сечете
. Ако не се осеќате удобно со наочари за работа на вас, може да си нарачате некои без диоптар (јас така имам направено
) и така да работите
. Јас носам наочари, но краткоглед сум, така да, кога работа, скоро никогаш не ги носам, баш напротив само ми пречат, но затоа овие без диоптар редовно ги користам, особено ако сечам метал со овие камчиња бидејќи, колку и да се издржливи овие со импрегниран фиберглас, сепак, ми се има случено неколку пати да ми се скрши камче при сечење
... тоа е тоа, пазиш, ама нема 100% гаранција дека нема да се скрши
.
Овие со импрегниран фиберглас се „стави - вози“
. Не мора да се грижите за престегнување, немаат проблем со тоа, не пукаат лесно, а и да пукне малку при стегање, фибергласот ги држи парчињата заедно
.
Камчињата се наменети пред се за сечење на железо/челик, но може да сечете со нив и алуминиум, плсатика, дрво (гори/чури, не се чудете
), но не и камен или стакло (пробано, каменот ќе ги изеде додека трепнете, стаклото само ќе го гребете
).
Купете си пакетче од барем 50-тина вакви. Повеќето продавачи додаваат и гратис една или две оскички (mandrel), така да, не мора да трошите пари и за оскичкa
. На оскичките има и мали картонски уметоци за ставање под и над камчето (се гледаат на сликата) при монтажа на оскичката. Овие се трошат по некое време (или ќе ви паднат некаде и ќе ги изгубите при менување на камче, како мене
) и слободно може да ги замените со било какво парченце картонче со адекватна дебелина
, но немојте да ги ставате камчињата без овие парченца картонче. Потребни се за амортизација при стегање. Без нив, при стегање на камчето за осовинката, можно е лесно да пукне камчето
.
4. Класични камчиња за обработка
Овие не се толку неопходни како претходните три, но добро е да ги имате на располагање
. Вакви стигаат едно или две заедно со гравирката, но се големи за обработка на ситни или прецизни работи
. Освен тоа, сите кои стигнаа заедно со сите гравирки кои ги имам нарачано беа лошо центрирани (Кинеска работа
, „еве за проба, да видиш како изгледа, ако сакаш, бујрум купи си подобри пак од кај нас“
). За среќа, и овие евтини се
.
Со овие камчиња може да обработувате железо, алуминиум (се лепи за камчето, не се чудете
), пластика (исто така се лепи за камчето
), дрво... практично се освен некој друг камен или стакло. (Да бидам искрен, стакло немам пробано, можно е да може
.)
Кога ќе купувате вакви камчиња за обработка, гледајте да имаат различна гранулација. Се разбира, тоа никаде не го пишува
, или го пишува, но ако нарачате од тие продавачи, камчињата ќе чинат барем дупло повеќе од оние кои сте ги начекале најевтино, така да, од око проценете гранулација од сликите, дали како што се намалува големината на камчето, се намалува и гранулацијата на материјалот
.
5. Дијамантски дискови за сечење
E, и овие додатоци се едни од оние што се „мамата“
. Сечат се живо и диво, железо, камен, стакло, дрво, пластика... нема што не сечат
. Сепак, не би ги перепорачал за сечење на железо, освен ако не треба да бидете прецизни во резовите, но бидете многу претпазливи при држењето и контролата на гравирката, бидејќи знаат да отскокнат ако малку стиснете со нив и ако гравирката ви е поставена на максимална брзина. Не е проблем тоа што ќе отскокнат, нема да се скрши дискот, но можно е да ви забега гравирката кај што не треба (накај око, не дај боже). Нека не ве мрзи, сменете си камче ако обработувате повеќе различни материјали
.
Ги имам користено за сечење на стакло (и тоа огноотпорно
), везат, сечат како низ путер
. Сепак, ако сечете со нив стакло, ставете маска преку уста, не е добро да вдишувате стаклена прашина. Исто важи и за сечење камен.
Е сега, исто како и за футерчињата, и од овие има два типа. Едните се поевтини и се без дупчиња на дисковите, а другите се како на сликата, со дупчиња на дисковите
. Вторите се поскапи, но подобри. Не се драстично поскапи, така да, мислам дека не се исплати за $0.5, $0.6 да земате од понеквалитетните
. Комплетчињата се најчесто со 5 вакви дискови и една оскичка. Дисковите практично и не се трошат. Истрошени се само ако дијамантската прашина падне од нив, а ќе помина време додека се случи тоа, така да, комплетче од 5 со оскичка ќе ви тера многу долго време
(јас уште го користам првото дискче, а ги нарачав пред околу една година).
6. Дијамантски глодалки
И овие се многу корисни
. Одлични се за проширување на дупки на било каков материјал: железо, алуминиум, пластика, стакло, камен. Ги имам користено и за израмнување на нерамнини на различни материјали. Комплетчињата се евтини и стигаат по 30 различни во комплет. Стигаат и со дополнителна кутија за сортирање на истите, но овие се поскапи... многу (барем дупло, ако не и повеќе). Не дека не е добро да се има кутија за сортирање на истите, добро е, но не би рекол дека е неопходно. Јас ги држам врзани со ластиче
. Да, кутиичка за сортирање би рекол дека е неопходна за бургии, поради различните димензии на бургиите, но не и нешто вакво. Генерално земено, бирате камче за обработка врз база на врвот и потребата, кај вакви камчиња не играат голема улога димензиите
.
Овие не додатоци не би ги ставил во апсолутно неопходните, бидејќи голем дел од она што може овие додатоци да го прават, може да го правите и со обична бургија, но не на секој материјал
. На пример, како што пишав, одлични се за обработка на железо. Не оставаат вертикални метални шпонови околу дупката која ја обработувате бидејќи го ситнат железото во железна прашина, за разлика од класична бургија која пробува да „гребе“ по површината и практично, поради големата брзина на ротација, делумно го топи железото и од таму се прават оние вертикални метални шпонови околу дупката, а можно е да треба и многу да стиснете за што добро да обработите и оп, ојде бургијата
. Тој проблем го нема со овие додатоци
.
Исто како и за бургиите, при обработка на железо, стакло или камен, во никој случај не ја ставајте гравирката на максимална брзина. Не знам зошто, поосетливи се во однос на дијамантските дискови и побрзо им паѓа дијамантската прашина. За разлика од нив, дијамантските дискови слободно може да ги терате на максимална брзина
.
7. Мали циркуларни пилички
Многу се корисни и дефинитивно мора да си ги нарачате
. Но, бидете многу,
многу внимателни при работа со нив! Сепак станува збор за циркуларни пилички, колку и да се мали. Се имам поткачено со една од нив, среќа не се поткачив многу, ама доволно за да морам да ставам завој. Имаат запци, не се камчиња (мазни, рамни на површината)...
пазете! Сите останати прсти, освен оние со кои ја држите гравирката, подалеку од местото на кое сечете
.
Ај да не биде муабетов „одлични се, ама опасни“, навистина многу бркаат работа
. Сечат многу брзо и прецизно. Можете да сечете се што не е направено од камен или метал со нив
. Иако, еднаш користев една од нив и за парче алуминиум и прилично добро го исекоа
, но, да бидам искрен, подолго сечеа во однос на дијамантскиот диск. Сепак, не би пробал железо да сечам со нив, најверојатно ќе се истапат прилично брзо. Камен или стакло - не ни пробувајте. Ќе ги истапите или, уште полошо, ќе се повредите.
Стигаат во комплетче од 5 со две оскички, барајте продавач кој ги продава вака (ги сметаат како 7 piece set
, 5 пилички плус две оскички
). Има и циркуларни пилични со видии. Овие се подобри, но се и многу поскапи (една е колку комплет од 5 со две оскички). Купете си само ако сметате дека навистина имате потреба од вакво нешто, бидејќи тие со видии може лесно да се острат
. За „секојдневна“ употреба и овие се сосема солидни
.
Има и едни сјајни (не мат, како што се овие), тие се ѓубре, не нарачувајте од тие. Тие се многу поевтини од овие и стигаат во комплети од 10, 20, 30 и сите се со иста димензија (нема различни димензии). Тие ќе ги менувате на едно сечење и друго освен пластика не можете да сечете со нив. Пробав еднаш дрво да сечам со нив, само што почнав, се истапи
. Додека исеков парче шпер плоча во должина од 15cm, сменив 5 пилички
.
8. Мали челични глодалки
И овие се многу корисни
. Одлични се за брзо проширување на дупки во дрво, пластика или алуминиум
. Истото може да го правите и со дијамантските глодалки, но со нив може подолго да трае обработката, а освен тоа, тие би биле по погодни за фина финална обработка
. Овие, за брза или груба обработка
. Често знам да ги користам и како „голема бургија“, само за проширување на дупка која треба да биде нешто поголема од максималната големина која ја фаќа на малечкото футерче (3mm). И овие не би ги ставил во апсолутно неопходните додатоци, но добро е да ги имате на располагање
.
Ги продаваат во комлети од 5, 7 и 10. Нарачајте си од комплетче од 10 (како на сликата)
. Така ги добивате сите кои може да се најдат кај Кинезите за таа цена, а разликата во цена меѓу оние од 5 и од 10 не е дупло
(не ми текнува во моментов, но максимум третина да беше).
Врзете си го клучето кое ви стигнало заедно со гравирката за кабелот од гравирката!
Ова клученце може да го користите и за multi-chuck-от, така да, корисно е да го имате при рака
. Јас на почетокот користев клешта за стегање на футерчето, но излезе дека ова е погрешна одлука
. Со клешта немате осет, лесно може да го престегнете футерчето и да ги сплескате малку запците, па да не може да ви се фати помала бургиичка потоа меѓу нив
. Не престегајте, ова алатче е наменето за прецизна обработка, не е наменето за хилтање на бетонски ѕидови
. Онолку колку што може да стегнете со клучето е доволно за да го стегне додатокот како што треба футерчето
.
