Ако е обичен DVD плеер, без поддршка за MP4 или DivX/XviD, нема шанси да ги гледаш клипчињата во raw (не „прекодиран“) формат. Ако има поддршка за DivX/XviD, може да ги прекодираш во DivX/XviD (најчесто, само AVI екстензијата/контејнерот е поддржан од DVD плеерите кои поддржуваат DivX/XviD) и да ги гледаш на DVD плерот. Но, да се разбереме, не се „прекодирува во AVI“. AVI е само контејнерот (оној кој ги „вплетува“ аудио и видео сигналот) и е многу стар стандард (датира од средината на 90-тите и е производ на Microsoft, но дури и они ја прекинаа поддршката за AVI контејнерот многу одамна). Битно е со кој codec е кодиран аудио и видео сигналот. На пример, ако видео сигналот е кодиран во DivX/XviD и аудио сигналот е кодиран како MP3 и на крајот, овие два се interleaved (впредени) во AVI контејнер, нема да има проблем, било кој DVD плеер со DivX/XviD поддршка би требал да го пушти овој фајл. Но, ако аудио сигналот е кодиран според AVC стандардот (MP4) или аудиото кодирано според AAC сстандардот, дури и да ги впредете овие два stream-а во AVI контејнер (што не верувам дека ќе го направите, AVI нема поддршка за VFR видео и за VBR аудио, иако се користат определени „хакови“ за да може да се впреде VBR MP3 во AVI контејнер, но ова е нестандарден хак и официјално, не е поддржан од AVI 2.0 спецификациите, иако повеќето плеери и mux-ери имаат поддршка за него), ниеден DVD плеер, дури и ако го поддржува AVI контејнерот, нема да го пушти фајлот.
FLV форматот е всушност „дериват“ на MP4 форматот специјално наменет за web flash апликации. Порано, кога сеуште не беше до прецизиран MP4 форматот, мораа некако да се снаоѓаат фирмите кои произведуваат софтвер за web дизајн, па направија нивен proprietary MP4 формат, FLV форматот (мислам дека беа Adobe или Macromedia, не ме земајте за збор), кој според сите спецификации, не е поддржан од скоро нитуеден хардверски уред, освен web browsers. Тоа што направија поддршка за него за да може media players да го пуштаат, тоа е популистичка одлука (често луѓе симнуваа клипови од youtube или некој друг сајт, а освен во browser, не можеа да ги гледаат, па многу развојни компании или open source заедници за media players решија да го имплементираат овој формат во нивните media players). FLV контејнерот има слична структура на MP4 контејнерот, но сепак, се разликува и не е идентичен со MP4. Подоцна, по целосното стандардизирање на MP4 форматот и неговата официјална имплементација во BluRay стандардот и плеерите, почна да се користи истиот и на web сајтовите кои, до пред некое време, имаа поддршка само за FLV форматот (можете да забележите дека во денешно време, ако симнувате клип од некој сајт, дека некогаш, може да се начека и MP4 клип, не само FLV
).
BluRay плеерите по default треба да имаат поддршка за MP4 контејнерот, а сум читал дека дел од нив имаат поддршка и за FLV контејнерот.
Скоро сите од новите LCD телевизори имаат директна поддршка за MP4 контејнерот (повеќето од нив имаат и USB порта на која може да се поврзе било која flash меморија, а често и USB HDD, и може да ја читаат и препознаваат видео содржината на овие екстерни мемории) бидејќи, и онака, имаат DVB-T tuners чиј stream спаѓа во MP4 класата, што значи дека би требало без проблем да декодираат и MP4 фајлови. Исто така, често имаат поддршка и за AVI контејнерот и DivX/XviD codec-от, како и MPEG-1 стандардот (со MPG екстензија). За FLV... не знам, треба да си пробате, видите, прашате.
Според мене, имаш две опции:
1) Со некој програм да го прекодираш видео stream-от во DivX/XviD, а аудиото во MP3 и да ги зачуваш во AVI контејнер. Но притоа, пази софтверот да не прави само direct stream copy, треба да прави и stream recode. Direct stream copy не ти врши работа, нема да го пушти на ниеден DVD плеер вака зачуваниот AVI фајл. Можно е да го пушти само на PC, а и ова може да биде дискутабилно кај определени видео и аудио stream-ови.
2) Да си поврзеш PC за телевизорот на кој сакаш да ги гледаш клиповите и да не се замараш многу со прекодирања
.
