Македонски форум за електроника
Електронски уреди => Монитори и ТВ приемници => Topic started by: Malecko on 02.06.2011, Thursday, 22:46:09
-
Дали некој може да најде даташит за оваа компонента EFD EN645,oд телевизор ја извадив,како мал правоаголник е и пишува на него delay line,и има 4 нозе ;D
-
линија за каснење од стари телевизори, сега во новите не се користи повеќе
принцип на работа е тоа што се работи со пиезо кристали, односно ултразвук, на едната страна има предавател со одредена фреквенција која е во ултразвучно подрачје, на друга страна има приемник за таа фреквенција, со проста пресметка може да се димензионира така да доцнењето од предавател до приемник е она кое што ни треба се додека се процесира сигналот ...
-
а каков сигнал е тој што треба да касни? Зошто касни, што е поентата?
-
а каков сигнал е тој што треба да касни? Зошто касни, што е поентата?
Сигурно е нешто да закасни дур да се стабилизира...Како кај засилувачите што се прави склоп да закасни 4-5секунди да не се јави тој звукот „туп“ кога ќе го уклучиш ;D
-
не
во делот за видео обработката кај што се добиваат ргб сигналите, пошто претходно се испраќаат со сложена поворка CVBS сигналот кој ги содржи сите податоци како што се, луминентноста хроминентноста синхро импулсите и бурст сигналот се носат на посебни склопови кој подоцна ги издвојуваат овие сигнали од тој сложен сигнал... да не должам многу како оди тоа.. откако ќе се одвојат сите сигнали меѓу кој и F (хроминентност) од CVBS сигналот, со помош на бурст сигналот се синхронизира локалниот осцилатор кој ќе осцилира со иста фреквенција како и носителот на боја (4,43МХз или 3,58МХз). Со овај регенериран носител на боја и со помош на линијата за доцнење се врши демодулација на F сигналот. Со демодулирањето се добиваат U и V сигналите, а со нивно модифицирање со коефициент 1/0,493 и 1/0,877 се добиваат сигналите B-Y и R-Y. Овие сигнали заедно со Y сигналот одат во RGB матрицата од каде се добиваат примарните RGB сигнали.
Се додека се врши оваа претворање од едно во друго на сигналот F, се додека се обработува за да се добијат некој сигнали од него сигналот Y (луминентноста) е непроменат, тука доаѓаа таа линија за доцнење во игра, го задоцнува сигналот Y за да има синхронизација со сигналот F, доцнењето на линијата е така нагодено да после обработка на сигналите тие пак излезат истовремено како и што влегле во видео делот/ степенот ..
-
сложен бил сигналот на видеото, не е како кај аудио-стереото. А дали сигналот за аудиото е на посебен носител или на ист носител со видео сигналот?
-
различен носител имаат
предавателот за видео користи АМ модулација со носител RF со фреквенција fs. Аудиото користи FM модулација со носител RF со фреквенција fs+5.5MHz.
(http://pic.mk/images/slika1307053502.)
на сликава прикажан ти е спектар на AM-NBO RF видео сигнал заедно со FM RF аудио сигналот и RF TV сигналот...
ова не е за тука да се дискутира отворете нова тема каде што ќе се дискутира за вакви прашања околу TV техниката
-
Па во тој случај тоа се два предаватели во една кутија. По моја логика ако предавателот за видеото е 100 вати, тој за звукот може е 10 вати. Бар судејки по опсегот кој што го користи видеото, тој е голем па мора и поголема снага за него за да достаса аудиото во домет
-
A oва што е,личи на транзистор во метално куќиште,со 5 нозе и на него пишува sanyo-TSF1303,беше во еден дел,оклопено со метал кај што е...А под него,одоздоле на плочката пишува SAW FILTER,знае некој да објасни за што е?
-
SAW филтерот ти е во делот за тјунерот, овај филтер е филтер пропусник на опсег на фреквенции чија што пропусна ширина е колку ширина на еден канал. Најголемата пропустливост овој филтер има за оној ТВ канал кој фреквентно е конвертиран на фреквенција
Fif= 38.9MHz. Оваа фреквенција е позната како меѓуфреквенција и се добива со помош на локален осцилатор во тјунерот ...
-
Па во тој случај тоа се два предаватели во една кутија. По моја логика ако предавателот за видеото е 100 вати, тој за звукот може е 10 вати. Бар судејки по опсегот кој што го користи видеото, тој е голем па мора и поголема снага за него за да достаса аудиото во домет
Не, целиот сигнал се засилува само со еден засилувач, а модулаторот е во посебен уред (барем најчесто вака се прават изведбите, може и да има други начини сега за добивање на сигналот), така да моќноста на предавање и на аудио, и на видео сигналот е иста. Доколку беше различна, може да се случи да примаме само аудио или само видео (ако едниот сигнал е помоќен од другиот) ;).
Има литература на net за принципот на работа на TV приемниците. Читнете, ќе ви стане појасно ;).
-
Па во тој случај тоа се два предаватели во една кутија. По моја логика ако предавателот за видеото е 100 вати, тој за звукот може е 10 вати. Бар судејки по опсегот кој што го користи видеото, тој е голем па мора и поголема снага за него за да достаса аудиото во домет
Не, целиот сигнал се засилува само со еден засилувач, а модулаторот е во посебен уред (барем најчесто вака се прават изведбите, може и да има други начини сега за добивање на сигналот), така да моќноста на предавање и на аудио, и на видео сигналот е иста. Доколку беше различна, може да се случи да примаме само аудио или само видео (ако едниот сигнал е помоќен од другиот) ;).
Има литература на net за принципот на работа на TV приемниците. Читнете, ќе ви стане појасно ;).
Види, сликата е некаде 6MHz а аудиото е некаде околу 250KHz (ширина на каналите)
Према ова, би требало појака снага за каналот кој има поширок опсег на каналот.
Зошто? Пример, имаме токи воки со 500mW и FM предавател 500mW, кај токи вокито опсегот е 9KHz а кај ФМ предавателот е 250KHz (стерео) па дометот кај токи вокито ке е поголем.
-
Види, сликата е некаде 6MHz а аудиото е некаде околу 250KHz (ширина на каналите)
Према ова, би требало појака снага за каналот кој има поширок опсег на каналот.
Зошто? Пример, имаме токи воки со 500mW и FM предавател 500mW, кај токи вокито опсегот е 9KHz а кај ФМ предавателот е 250KHz (стерео) па дометот кај токи вокито ке е поголем.
Можно е во право да си, диспиранат моќност за аудио сигналот да е помала во однос на таа за видео сигналот, но поентата е дека во приемникот и двете се примаат со „еднакво“ ниво (односно, не смее да се прими аудио сигналот со помало ниво, инаку може да настанат еден куп нуспојави, дефазирање, нееднакво ниво на демодулација, неможност за забелжување на носителот на FM сигналот, итн.). Тоа ми беше поентата ;).
-
јас имам нешто на македонски литература за ТВ-а што ја користев на школо за предавања по електронски склопови и уреди, деновиве ќе ја прикачам :)
литературата е дел преведена од тест уредите кој ги имавме на школо, ја пишуваше еден многу добар професор кој ми предаваше :)
Предавателот на слика користи амплитудна модулација (AM) со носител со RF фреквенција . Тонскиот предавател користи фреквентна модулација (FM) со носител со RF фреквенција (за PAL-B/G стандардот). Излезите на двата предаватели преку собирница се поврзуваат на заедничка предавателна антена.
Бидејки немодулираниот видео сигналот има спектар чија ширина е 5.13MHz (Сл. 3.11), амплитудно модулираниот видео сигнал ќе има спектар со дупла ширина т.е. 10.26MHz. Границите на овој спектар ќе бидат од до . Ваквиот AM сигнал уште се вика и AM-2BO т.е. амплитудно модулиран сигнал со два бочни опсези : лев и десен.
-
на мојот профил на скрибд (погледај во потпис го има линкот) се наоѓаат предавањата по предметот електронски склопови и уред, делот за ТВ, кој сака да научи нешто може слободно да чита, е сега малку редоследот е изместен, ама ќе се снајдите, кога ќе отворите некој документ пишува тема и еден број почнете од 1 па натаму и со ред ќе ги читате, 100-тина страни дали има
-
Може ли да се направи update на софтверот на телевизорот што го имам LCD TV QUART 32T41 :)
-
Може ли да се направи update на софтверот на телевизорот што го имам LCD TV QUART 32T41 :)
Зависи, ако имаш USB порт на него, најверојатно да ;).
-
Дали може да ми кажете нешто за тонски излезен степен?
-
Што те интересира за тонскиот излезен степен? Модулација, демодулација на сигналот, негово одвојување од видео сигналот, засилување на сигналот, стерео демодулација...?
-
излезниот НФ степен е нај обичен НФ засилувач :)
нема тука голема филозофија,
-
Колеги се работи за еден телевизор самсунг CRT ќе ви поставам слика а и модел кога ќе го отворам кога ќе бидам слободен стои онака во друга соба не ми е хитно да брзам поврзан е на кабелска што може да му е луѓе слика џам има него кога ќе го вклучам прво палење некогаш почнува да зуу ко авион пред полетување после две минути работа звукот го снемува скроз ако гледаш многу на него он кога ќе го угасиш и пак одма вклучиш не брмчи на старт но чим се олади малку после пак на старт при палење брмчи звукот доаѓа од позади катодната цевка како на капакот да е или од од плочката но највеќе бучи од позади кај плочката што доаѓаат напоните за греење на катодната цевка. Колеги посебно и легендата телевизорска Тома до што викате дека му е да е ВН трафо незнам или некој кондензатор али доаѓа од позади катодната цевка од кај напонот за греење сега на ладново му се појави дефектот али телевизорот е во топла соба овака ве прашувам легенди дали сте сретнале до сега вакво нешто на телевизорите и што мислите дека е па тој телевизор не ми е приоритет да го правам али сакам ваше мислење да чујам и ако е некој лесен квар кога ќе бидам слободен ќе го сликам и модел ќе ви кажам шема ќе бараме полн е со прашина сега а и имам работа.Он ми е резервен телевизор само едно вака општо мислење од вас од што мислите дека е авионскиот звук на зуење сте имале ли некогаш ваков проблем има ли некое мислење при сервисирање како старите нишки телевизори ако е оно тад ради ово најчесто најчест проблем ваков од што настанува мајстори за телевизори сега засега едно општо мислење барам. Па ако се исплати да бидам по слободен сликам шасија модел го отвараме ако е пример само неколку елементчиња смени али ако треба да се штелува лошо тогаш. Што викате се исплати. Ај ќе го сликам кога ќе бидам по слободен. Едно генерално мислење зошто зуи при прво палење кога не е пален едно две три минути зуи и престанува. Ваше мислење ваков квар најчесто од што се јавува се гледа на него али не е страшно ама многу ме интересира форумџии. Колеги еднаш и едно свичерско напојување ми зуеше вака може значи и до напојувачкиот степен тоест до мрежниот степен да е. Мислење ваше или комплексно е треба да го отвориме и да видиме кај зуе како кај греењето на катодната цевка да зуе и прекинува после три минути. А свичерското напојување нон стоп зуеше. Како од напоните за греење на катодната цевка да бучи па прекинува за три минути од што би можело да бучи вака па да прекинува сте се сретнале со вакво нешто кај телевизориве стари CRT. Голем поздрав форумџии
-
Колеги абе мало прашање другарче имаше монитор и сега се гаси од оние монитори со внатре звучничиња LCD е ко ќе го пуштиш одма трепка и црн екран одма се гасеше а свети сигналната лед диодичка бам како Тома да го сонив во некоја шема што кажуваше велеше инвертор за сличен дефект бам ризикував му викам на другар купи нов во Гац истиот го најдовме 400 денари кошташе дечково за техника е болен свои собрани пари ги дава земавме едно жолто инветрорче коцкиче со калемчиња го прелемив незнам како ама стварно незнам ене го работи LG беше мониторот ќе видам и модел.Едно питание до Тома и до вас форумџии кој чепкате видео техника јас сум дрво во тоа признавам како да знам некогаш дека е до инверторот а нели и телевизорите имаат инвертор на еден LCD Quart се сомневам во инверторот истиве симтоми звук има слика нема како со мултиметар нели само на калемите сите инвертори се проверуваат едноставно сакам да го испитам да ми кажете па нели доволно е само со мултиметар а може ли и некој совет да добијам од вашето искуство кога сте сигурни некогаш при сервисирање дека е до инверторот и го мењавате симптоми какви треба да има. Јас ги опишав тие погоре незнам од кој прочитав пристапив кон мењавање на инвертор и успеав. Но сакам и вие да ми одговорите на прашањево и да ми потврдите врз основа на вашето искуство знам дека сте мајсторишта има огромни мајсторишта тука затоа сум сеуште овде.Колеги не дека ќе поправам
тв-иња или монитори сега но онака отворив дискусија генерално за овој проблем ме интересира со инверторите.Секој добар одговор е добродојден :) ;) :) ;). Абе да се има муабет исто а и нешто ќе се научи на добро место ми е темава ;D ;) Ме интересише генерално околу инверторите
-
Стави го екранот под јако светло. Ако можеш да видиш слика, или неонките не работат или (поверојатно) инверторот за неонките не работи.
-
Еј да така беше и го сменив инверторот готово одсега така ќе правам Гига thanks е ако се неонките пак и таков случај сум имал фрлај скапи се 8) 8)
-
Не се исплати неонки да менуваш, сакпи се. Може евентуално да го преправиш да биде со LED. Има на ebay цели напојувања со LED strips за преправка на монитори и телевизори, од неонки на LED, ама ќе треба да пазиш при преправката. При расклопувањето на екраните може да ги зезнеш контактите на T-Con-от со LCD дисплејот.
-
Благодарам Гига за одговорите немам баш искуство во ова затоа и прашав благодарам многу кратко и јасно ми кажа што ме интересира и тоа што мислев само го потврди дека е така.Благодарам уште еднаш 8) 8)
-
moze li nekoj da mi kaze broj za meni da vlezam na deltalux tv
na ekranot non stop mi stoj brojkata i ne moze da ja izbrisam
-
Прочитај ги правилата иа Форумот.Пишуај кирилица со МК поддршка.
-
Освен тоа deltalux е широк поим.
Потребна е ознака од лепенката од задната страна на ТВ-от.
-
Здраво на сите.
Ваше искуство со лед ленти за позадинско осветлување на телевизор.
Дали може да се сервисираат и дали ако секоја лед диода од лентите работи индивидуално сепак може да има проблем позадинското осветлување, односно да не се вклучи кога се вклучува телевизорот?
Однапред благодарам :)
-
Здраво,
Позадинското светло на лед телевизорите најчесто е од 3 до 4 реда сериски врзани лед диоди. Една или две се пробиени ќе имаш пад на напон на напојувањето ( едноставно телевизорот или ќе ти се гаси, пали или воопшто нема да добиваш слика). Дека се сервисираат посебно можно е. Јас лично сум сменил многу на Lg телевизори, но се зависи колку диоди ти се пробиени во низа и дали ти се исплаќа да мењаш диоди или цел ред. Во зависност што марка на телевизор, различни диоди се користат за позадинско осветлување. Во Скопје има на полно места цели ленти за пристапни цени. Се разбира цената ќе биде далеку поефтина, ако веќе имааш набавено резерни диоди па самиот да си ги смениш.
-
Дали може да се сервисираат и дали ако секоја лед диода од лентите работи индивидуално сепак може да има проблем позадинското осветлување, односно да не се вклучи кога се вклучува телевизорот?
Да. Ако се лентите во паралела врзувани, ако една лента има една или повеќе диоди во краток спој, ниедна лента нема да работи бидејќи ќе проработи заштитата кај напојувањето. Ако една или повеќе диоди се изгорени, но во отворена врска (не во краток спој, изгореле но не настанал краток спој), само таа лента нема да работи, другите ќе работат и би требало да не изреагира некоја заштита кај напојувањето поради помалиот проток на струја (обично имаат заштита од преоптоварување, не од подоптоварување).
-
Да. Ако се лентите во паралела врзувани
Се работи за 32 инчен лед тв, има три ленти врзани се сериски и еден конектор до плочата со две жици (плус/минус).
Не сум сигурен дали е до матичната плоча или до самите лед ленти.
Дијагнозата е следна:
1. Сите напони од напојувањето се присутни кога е исклучен телевизорот (Stand By) и по вклучување. (12V, 1V, 1.5V, 3.3V, 5V)
2. Една "чудна" работа што можам да приметам е кога телевизорот е исклучен, на излезот на конекторот за позадинското осветлување има напон од 34V. По вклучување има пик до 100V и постепено опаѓа до 38V (без приклучено позадинско осветлување)
3. Најдов само една прегорена диода на една од лентите и истата ја заменив со соодветна. Сите останати диоди на лентите светнуваат ако индивидиуално ги тестирам со напон од 3V и затоа прашав дали иако секоја диода светнува, сепак "колективно" може да има проблем, односно да прави проблем самата лента како цел сегмент.
4. Отако го поврзав позадинското осветлување имам само бледо многу слабо осветлување на одредени делови од лентите и останува истиот напон од 38V на контекторот.
Заклучокот е дека сум во бунило дали да инвестирам во нови ленти кои би чинеле околу 1000 ден или мислите дека може е проблем до самата плоча?
Фала ви дечки на коментарите од претходно!
Поздрав и убав ден.
-
Пробај да ги оделиш посебно секоја лента и измери ја отпорноста на секоја. Треба да добиваш скоро идентични вредности. Разгледај ги убаво диодите, дали имаат црна точка, светлината што ја даваат може да е бледа. Колку укупно диоди има ? Дали кога ќе ги собереш напоните од секоја добиваш вкупен напон од 38 волти. Незнам што модел на тв, али по мене напонот треба да ти е поголем.
-
Сите останати диоди на лентите светнуваат ако индивидиуално ги тестирам со напон од 3V и затоа прашав дали иако секоја диода светнува, сепак "колективно" може да има проблем, односно да прави проблем самата лента како цел сегмент.
Да, има шанси да има.
Тие дидоди се наменети да работат во импулсен режим. Со тоа што си ги тестирал со еднонасочен напон од 3V, можно е делумно да си зезнал некоја. Им се имаше случено и колеги на работа вака да зезнат диоди. Не дека тие биле сосема исправни, најверојатно и не биле целосно, но вака ги дозезнуваш многу многу побрзо. LED диоди не се компоненти на чии краеви може да донесеш фиксен напон и да се надеваш дека се ќе биде ОК. Им носиш определен „прилагодлив“ напон (да може да се менува во зависност од јачината на струјата што ја повлекува LED диодата... било каков извор за константен напон со отпорник во серија е сосема солидно решение), а ја следиш струјата која тече низ нив и гледаш да не го надмине максимумот деклариран од производителот. А колкав пад на напон ќе добиеш за определена јачина на струја на краеви на една LED диода, тоа е сосема друго прашање и зависи од нејзината UI крива.
Значи, кога се испитуваат вакви LED диоди, може да се искористи и извор на константен напон (лабораториски извор за напојување или нешто слично), ако се нема LED тестер на располагање, но во никој случај не се врзува директно, туку преку отпорник, за да и се овозможи на LED диодата да повлече определена јачина на струја, а не да работи во режим на фиксен работен напон. Ова не е во согласност со принципот на работа на обична диода, па и LED диода. Падот на напонот се регулира преку јачината на струјата низ диодата, а не обратно.
4. Отако го поврзав позадинското осветлување имам само бледо многу слабо осветлување на одредени делови од лентите и останува истиот напон од 38V на контекторот.
Една или повеќе LED диоди се отидени јабана, но не во краток спој, туку во отворено коло... или делумно во отворено коло. Дали си ги зезнал со тестирање, дали претходно биле при крај со животниот век, не е ни важно.
Ако сакаш да се бафташ, имаш милион туториали на YouTube за менување на LED диоди од заднинско осветлување на телевизори, пробај. Но, крајниот резултат може да биде разочарувачки, особено ако ти е прв пат да менуваш вакви LED диоди. Можно е некоја да зезнеш при менување и пак да не работат лентите.
Мој личен совет, ако ти е прв пат да поправаш ваков пробем, е да си ги замениш лентите со нови. Цената зависи од телевизор до телевизор, но шансите за позитивен исход на крајот, по промената, се драстично поголеми во однос на претходниот случај.
И, што и да се одлучиш да правиш, ако успееш да го поправиш проблемот, заднинското осветлување на 50% од максимумот, за подолг животен век на диодите ;).
Заклучокот е дека сум во бунило дали да инвестирам во нови ленти кои би чинеле околу 1000 ден или мислите дека може е проблем до самата плоча?
Дали кога ќе ги собереш напоните од секоја добиваш вкупен напон од 38 волти. Незнам што модел на тв, али по мене напонот треба да ти е поголем.
Ако се во серија сите 3 ленти... да, би требало да е повисок напонот за напојување на лентите. Има шанси нешто и напојувањето да е зезнато.
@aleks2x: Подобро е да отвориш тема со наведен модел и бренд на телевизор, како и краток опис на проблемот во насловот на темата. Вака само ќе нагаѓаме. Немаме доволно информации, шема... оперираме со многу малку информации.
-
Пробај да ги оделиш посебно секоја лента и измери ја отпорноста на секоја. Треба да добиваш скоро идентични вредности. Разгледај ги убаво диодите, дали имаат црна точка, светлината што ја даваат може да е бледа. Колку укупно диоди има ? Дали кога ќе ги собереш напоните од секоја добиваш вкупен напон од 38 волти. Незнам што модел на тв, али по мене напонот треба да ти е поголем.
Здраво, мерев но немам никаква вредност за отпорност на ниедна од лентите...да напонот по логика би требало да е поголем бидејќи се по 9 диоди на една лента, што значи околу 27-30 волти по лента.
-
Тие дидоди се наменети да работат во импулсен режим. Со тоа што си ги тестирал со еднонасочен напон од 3V, можно е делумно да си зезнал некоја. Им се имаше случено и колеги на работа вака да зезнат диоди. Не дека тие биле сосема исправни, најверојатно и не биле целосно, но вака ги дозезнуваш многу многу побрзо. LED диоди не се компоненти на чии краеви може да донесеш фиксен напон и да се надеваш дека се ќе биде ОК. Им носиш определен „прилагодлив“ напон (да може да се менува во зависност од јачината на струјата што ја повлекува LED диодата...
Да, во право си, тука направив аматерска грешка.
било каков извор за константен напон со отпорник во серија е сосема солидно решение), а ја следиш струјата која тече низ нив и гледаш да не го надмине максимумот деклариран од производителот. А колкав пад на напон ќе добиеш за определена јачина на струја на краеви на една LED диода, тоа е сосема друго прашање и зависи од нејзината UI крива.
Вредноста на отпорникот претпоставувам си зависи и од самата ЛЕД диода?
Една или повеќе LED диоди се отидени јабана, но не во краток спој, туку во отворено коло... или делумно во отворено коло. Дали си ги зезнал со тестирање, дали претходно биле при крај со животниот век, не е ни важно.
После гледање на доста клипови и читање на нет, мислам дека проблемот е сепак во лентите.
Ако сакаш да се бафташ, имаш милион туториали на YouTube за менување на LED диоди од заднинско осветлување на телевизори, пробај. Но, крајниот резултат може да биде разочарувачки, особено ако ти е прв пат да менуваш вакви LED диоди. Можно е некоја да зезнеш при менување и пак да не работат лентите.
Имам некое скромно познавање, имам и опрема, далеку од професионална, но сепак би рекол солидна за хоби.
Инаку изгледав доста видеа на јутјуб, но има и многу лоши видеа каде што директно ги тестираат диодите без отпорник како што направив јас. Некои од нив ги тестираа и со мултиметар во диоден режим и после благо светнување на диодата одма доаѓаа од заклучок дека е исправна...не знам колку е ова доволно за заклучок...
Мој личен совет, ако ти е прв пат да поправаш ваков пробем, е да си ги замениш лентите со нови. Цената зависи од телевизор до телевизор, но шансите за позитивен исход на крајот, по промената, се драстично поголеми во однос на претходниот случај.
Да бидам искрен, изгледа научив на потешкиот начин. Чепкајќи ја плочата (бидејќи бев убеден дека е до неа) претпоставувам дека го прегорев процесорот, но не можам да бидам сигурен сепак. Единствено што можам да кажам е дека имам наизменично трепкање на индикатор диодата и ненормално загревање на самиот процесор после 30 секунди работа.
@aleks2x: Подобро е да отвориш тема со наведен модел и бренд на телевизор, како и краток опис на проблемот во насловот на темата. Вака само ќе нагаѓаме. Немаме доволно информации, шема... оперираме со многу малку информации.
Не знам дали има потреба моментално да отворам, сепак нарачав нова плоча, па ќе видам што ќе искочи на крај. Ако повторно имам проблем дефинитивно ќе отворам тема. Инаку телевизорот е Fuego LED FG32 3202 а плочата е со број TP.SIS231.P83 Изгледа ќе треба да ставам и DUMP од Fuego ако најдам. Инаку плочава доаѓа во милион изведби ко што можев да видам, а не успеав да најдам сервисно упатство баш за Fuego телевизор.
Уште еднаш, фала ви на сите за помошта.
-
Истат плоча ти е и за qvart i vestel tv.
-
Вредноста на отпорникот претпоставувам си зависи и од самата ЛЕД диода?
Да ;). Разгледуваш datasheet на диодата, гледаш колкава јачина на струја повлекува кога е оптоварена, гледаш пад на напон на краевите на диодата за таа струја (значи ја гледаш UI кривата) и врз база на тие параметри и напонот кој ќе го дадеш од стабилизираниот извор за напојување, пресметуваш вредност и моќност на отпорник ;).
После гледање на доста клипови и читање на нет, мислам дека проблемот е сепак во лентите.
Да де, LED диодите на лентите ;).
Инаку изгледав доста видеа на јутјуб, но има и многу лоши видеа каде што директно ги тестираат диодите без отпорник како што направив јас. Некои од нив ги тестираа и со мултиметар во диоден режим и после благо светнување на диодата одма доаѓаа од заклучок дека е исправна...не знам колку е ова доволно за заклучок...
Епа еден колега баш вака зезна неколку LED диоди, со тестирање на унимер на диодно подрачје :-\. Според сите „правила“, овој начин на тестирање не би требало да оштети LED диода, но ете... се случи. Тогаш фатив подетално да читам околу овие LED диоди и зошто се има тоа случено.
Да бидам искрен, изгледа научив на потешкиот начин. Чепкајќи ја плочата (бидејќи бев убеден дека е до неа) претпоставувам дека го прегорев процесорот, но не можам да бидам сигурен сепак. Единствено што можам да кажам е дека имам наизменично трепкање на индикатор диодата и ненормално загревање на самиот процесор после 30 секунди работа.
Најверојатно :-\. Зависи колку е тоа „ненормално“. Ако не можеш да го допреш без да се изгориш, да, изгорен е.
Инаку плочава доаѓа во милион изведби ко што можев да видам, а не успеав да најдам сервисно упатство баш за Fuego телевизор.
Тоа се „универзални“ Кинески шасии, се ставаат на милион различни телевизори (Fuego, Neo, Vivax, Fox, Quadro...). Нема сервисни упатства за нив, само шеми се наоѓаат.
За dump, исчитај ја содржината на flash чипот од твојот телевизор и стави го истиот dump на новата плоча ;).
-
Дечки само да ве известам дека:
1. Да, најдов уште една изгорена диода (сепак пробав со унимер во диоден режим) најверојатно сум ја изгорел после лошиот тест кој беше и со напон поголем од 3 волти, така да голема е можноста плочата да била исправна, а проблемот да бил само во лед лентите :) Но да сме живи и здрави, се учи на грешки (среќа што не се скапи):D
2. Ќе ја почекам новата плоча, па ќе ве известам на крај што сум направил или ќе отворам нова тема ако ми се отворат нови проблеми (се надевам нема) :D
Јавна благодарност до GigaWatt, Spiritos i Toma!
-
Нема проблем, повели и друг пат :).
Со среќа ;).