Македонски форум за електроника
Електронски уреди => Бела техника => Topic started by: Danielco on 02.11.2013, Saturday, 19:15:44
-
Здраво, како што гласи насловот, имам проблем со инсталацијата за бојлерот, имено еве за што се работи.
Пред неколку години, проблемот се состоеше од тоа што нонстоп ми гореше термостат (на отприлика неколку месеци), само доаѓаа разноразни мајстори, и се што правеа, беше промена на термостат и образложение за дефектот беше слаб квалитет на термостатите. Последниот мајстор што ми менуваше термостат пред грубо 5-6 години, вршеше некои мерења таму, и констатираше дека преку заземјувањето доаѓа некоја струја од горе-долу 30-40 волти. Неговото решение во моментот беше, да се исклучи заземјувањето, и да се тера така со внимание, да не работи бојлерот додека се тушираме, и еве од тогаш досега, јас навистина немав проблем со термостат, се до пред некој месец, кога најверојатно се залепил биметалот внатре, и не исклучуваше воопшто, а страшно ме мрзеше да го отварам и си терав така. Арно ама, пред некој ден, се заглавив на компјутер и го заборавив уклучен, тој сиротиот прегреал до крај (кољку пише, тољку иде ;D ), и најверојатно имав среќа што не прсна нешто, само собрав храброст, влегов внатре, отворив славина, од која што патем не излегуваше вода, само пареа :-\ ајде го чекав скоро пола саат, се испразни до пола само, замисли, и почна вода да тече. Цревата почнале да течат, ми ги стопи славините и тушот итн итн. Во секој случај, купив нов бојлер, и утре планирам да го монтирам, но многу ме секира работава со заземјувањево, како би можел јас да измерам дали доаѓа некоја струја преку него, инаку располагам нажалост само со унимер и фазомер :-\ , се надевам дека унимерот би можел да ми помогне во случајов, но не знам како би измерил само со една клема, дали да ја врзам едната на нула, а другата на заземјување? Дали да ставам осигурач и да пуштам струја, па така внимателно да мерам? Стварно не знам кое е попаметно, мада првово ми се чини како попомошно, искрено, едвај собрав пари да го купам бојлеров и батеријата, и веќе немам пари за викање мајстори, инаку не би ја решавал оваа проблематика сам.
Исто така да напоменам, пред 3 години кречев во ходникот пред купатилото, и направив една глупава грешка од брзање, малце ми беа тесни роковите и морав, нормално по дома бос, и се качив на старата машина за перење, којашто патем е поврзана веднаш до прекинувачот од бојлерот, како што поминував со четката, ми беше раката со боја направена, и нормално преку водата, доаѓав во директен контакт со ѕидот и всушност станав проводник меѓу машината и ѕидот, и во еден момент осетив како добро ме дрма струја, накратко кажано, ми смрзна гом*ето ;D , после тоа облеков патики и ја избришав раката добро ;D и немав проблем, претпоставувам дека би можело да биде до старата машина за перење, пошто имаше таа некои проблеми со програматорот, но не мислам дека беше круцијално тоа за да направи некаков повратен напон, само заглавуваше програматорот, додека не го растурив и го средив. Јас во секој случај утре ќе ги отворам сите штекери и прекинувачот за бојлерот, да увидам дали има некој проблем во нив, но сепак би бил доста благодарен доколку некој може да ми посочи каде и како да го барам проблемот. Јасно ми е дека е ова поголема проблематика, сепак, може и да не е воопшто кај мене проблемот, можеби и откај некој комшија блиску мене. И доколку констатирам дека доаѓа некоја слаба струја низ заземјувањето, дали е безбедно да го поврзам така, во новиот бојлер, заземјувањето се поврзува директно на постољето од греачот. Благодарам однапред и се извинувам за гњавењето со реферати.
-
да не има негде влага што спроведувала струја од машината до бојлерот? прашај го тој мајсторот како го мерел тој напонот на уземјување па пробај и ти така, исклучи ја машината и пробај дали ке има напон а потоа вклучи па пробај и тогаш ако нема напон и во двата случаи тогаш нешто друго е проблемот :)
-
Благодарам однапред и се извинувам за гњавењето со реферати.
Е, искрен да бидам, мене баш ова ми се допадна. Убаво, детално објаснет проблем, што е пробано, што не е пробано ;).
Сега, прво за бојлерот. Значи, единствен начин да установиш дали тече струја према маса и кај новиов бојлер е ако го поставиш унимерот на подрачје за наизменична струја (AC) и да видиш дали при пуштен бојлер, се јавува течење на струја према маса. Значи, црвената клема од мултиметарот ја врзуваш (по можност, зашрафуваш или со мерни сонди со штипчиња, прикачуваш) за бојлерот, а црната ја врзуваш за кабелот од масата. Значи, единствена работа која не ја врзуваш за бојлерот е масата ;). Ја поврзуваш фазата, ја поврзуваш нулата, масата ја оставаш да виси и го врзуваш унимерот на претходно опишаниот начин ;). Ако има подрачја за јачина на AC струја, постави го на најголемо подрачје. Ако не јавува течење на струја на најголемо подрачје, намалувај ги подрачјата (на пример, било на подрачје од 20A, потоа постави го на подрачје од 2A). Ако и при најмало подрачје (би требало да биде 200mA) унимерот не јави течење на струја, најверојатно проблемот бил кај бојлерот (претходниот) и со го средил со купување на нов бојлер ;D. Можно е греачот од претходниот бојлер да префрлувал од некое место према маса и да ги горел термостатите ;). А можно е и проблемот навистина да биле неквалитетните термостати ;D, кој знае ;D.
Се разбира, бојлерот треба прво да биде монтиран и наполнет со вода ;).
Сега, околу проблемот со дрмање на струја ;). Можно е дел од водата во четката да се слизнала до прекинувачот за бојлерот (барем јас така ја сватив ситуацијата, си бојадисувал веднаш над прекинувачот за бојлерот) и да ја наводенила фазата, ти си бил поврзан директно со маса преку босите нозе и машината за перење, а водата е прилично добар проводник на мали растојанија, така да... се случило тоа што се случило ;D. Во принцип, ако немаш проблеми со допирање на машината за перење (не те „мава струја“) кога работи, со прилично голем процент на сигурност можеш да сметаш дека проблемот не е во неа ;).
Како и да е, прво измери го ова што го пишав, па потоа се останато ;). Но, пази унимерот да може навистина да мери AC струја, не само DC. Ако може да мери само DC, тоа не ти врши работa :S. Ќе мораш од некаде да најдеш унимер кој може да мери AC струја ;).
-
Земи унимерот и мери нула према уземјување во некој штекер, не би требало да покаже напон
пошто трафостаниците се сите нуловани (споени нула и уземјување) не смее да има напон, ако има напон исклучи се што имаш во цела куќа/стан приклучено на мрежа и мери дали има, ако нема вклучувај еден по еден уред, кај некој ќе покаже :D, ако сеуште имаш и при исклучени потрошувачи, најди ја разводната табла (таа со осигурачите) и од таму исклучи го уземјувањето, ако од тука се дели негде, ако има вод кој иде до мерилото не го гибај оти ако го оштетиш можи да те казнат овие од евн (?), на исклучено уземјување мери, ако нема така значи ќе отвораш една по една дозна и ќе го исклучуваш од сите уземјувањето во некоја дозна ќе го најдеш проблемот, ќе следиш кај води делот што е проблем во дозната и така ќе го отстранеш тој проблем
Јас знам вака да решавам оваков проблем, можеби има друг начин, вложи во подобро уземјување во секој случај, поставено на место каде има влага, значи да не е под бетон оти џабе ти е така
-
Многу прецизно објаснување доби од гигават и девил според мене чим на стариот бојлер ти прегорувале толку брзо термостатите не е само до лошиот квалитет не може толку брзо да прегоруваат сигурно нешто греачот правел спој и ги топел може тој ти правел спој према масата нешто инаку ако проблемот не се реши со купување на нов бојлер ако мислиш дека инсталацијата не ти е добра земи унимер и маса заземјување не треба да ти покаже напон инаку извршиши и мерење на струјата како што објасни гигават тоа е професионален метод и исто така и девил ти објасни ако има проблем како да го остраниш мој совет ти е пред да го поврзеш бојлерот испитај си ја инсталацијата а може и да не ти е зафкната барем како што сметам јас друже според мене бојлерот може правел проблем но сепак унимерот во рака ако немаш некој квалитетен позајми пред да го поврзеш новиот бојлер испитај си за секој случај ;D.
-
Момци, ви благодарам на сите за одговорите, буквално сум исцрпен моментално, од 6 сабајле сум на нога, и не се осеќам сигурен да пипкам сега, да не светнам случајно ;D ,а прва работа што правам сабајле е следење на сите горенаведени совети и постапки, и се цртам право овде на рапорт ;)
-
Е така е на јубаво се работи кога човек е свеш и ведар и можеш да размислуваш вака и да го знаеш нештото може да го утнеш несакајќи.Е утре чекаме одговор што си направил јас сметам дека со инсталацијата немаш проблем може и да грешам ќе видиме утре што како кога ќе пишеш ;D
-
пред да го поврзеш бојлерот мери напон помеѓу заземјувањето и нулата (AC), ако има некој напон ако можеш осигурачите еден по еден исклучувај ги, кога ке видиш некоја поголема промена види што е уклучено на тој осигурач и 90% тој уред е тој што ти ги прави проблемите, а и ништо чудно да бил и стариот бојлер.
(тоа со мерењето напон е исто како што кажа и Devil, само со помалце трчање :D )
-
А да, заборавив да напоменам во мојот претходен post една (барем според мене) важна работа ;). Кога ќе мериш течење на струја према маса, добро е да го оставиш унимерот пуштен цело време додека грее бојлерот (додека не исклучи термостатот) и цело време да бидеш присутен во купатилото (WC-то). Цело време гледај во унимерот и види дали ќе се смени вредноста (во случај да покажува 0.00, ако покажува некоја друга вредност само што си го пуштил бојлерот, знаеш дека нешто не е во ред ;)). Ако те мрзи да го правиш ова и ако имаш некоја дигитална камера (фото апарат) на располагање, може го поставиш да го снима унимерот определено време (додека е пуштен термостатот на бојлерот) и потоа да моташ низ снимката ;D. Ова е стара финта и е често користена од страна на сервисери на телевизори во случаи кога определен квар на уредот се појавува ненадејно (од време на време) ;). Го оставаш телевизорот пуштен цела ноќ, оставаш камера пуштена која, освен самиот телевизор, може да ги снима и мерните инструменти кои се поврзани за телевизорот, си легнуваш и наредниот ден ја моташ снимката ;D.
-
Да ова со камерата е многу јака финта само си премотуваш после може инсталацијата да му е добра стариот бојлер да праел проблем но сепак кога членот ќе измери со унимер заземјување нула дали има напон ќе бидеме сигурни сепак мно прецизно му објаснивте што како ;D
-
Е значи кога ке стигне да прави и да импровизира кој како му стигне, се добива следново
(http://www.mediafire.com/convkey/444f/nevfhj0mt9la0zyzg.jpg)
всушност, земјата е поврзана како нула, а нулата е исклучена и плус нулата доаѓа од друга страна, не од истиот кабел, додуша, промашени се само боите на каблите, и тоа може некого да го збуни доста и да направи беља, сепак извршив мерења од нула према земја, и не добив никакви отчитувања, додека ако мерам фаза и маса, добивам 110 волти, дали би требало тоа да биде така? Така и на другите штекери ми излегоа мерењата, и на тој начин открив дека засебната црна жица е земја, истите отчитувања од 110 волти ми ги даде и на неа кога ја мерев со фазата. Се на се, мислам дека е во ред да го поврзам како што треба, како што било досега, само плус да си ја закачам земјата, уште ме копка зошто била дисконектирана, ама колку што гледам се во ред, и не би требало да има проблеми. Чекам одговор пред да монтирам, само ке ве замолам ако може малку побрзо, све ми е растурено и WC-то е неупотребливо, а плус ми се скина и едно чкарт црево во тештик и треба да менувам туш батерија, па ке се позанимавам со тоа додека чекам, многу ви благодарам на сите за помошта. ;)
Заборавив да напоменам дека во меѓувреме сменив и фрижидер којшто многу му брчеше моторот и на крај изгоре, па ништо чудно и до тоа да бил проблемот, исто така сменив и машина за перење која знаеше да биде проблематична на моменти, значи можно е и некоја од тие компоненти да била проблем во тоа време, само кој да каже со сигурност.
-
110 волти не смее да има во никој случај. Ако мериш фаза према нула, треба да има 220V, а исто и ако мериш фаза према заземјување, мора да покаже 220V. Кај тебе нешто не е во ред со инсталацијата.
-
Фаза према нула има 220, а фаза према заземјување има 110, знам и мене малце сумњиво ми искочи ама што знам викам ај да прашам, и сега ај предложете како да го поврзам, дали да го врзам како досега што беше па понатаму да се занимавам со оваа проблематика, или да ја врзам и земјата?
-
Моја претпоставка, вака на невидено, е дека заземјувањето е лошо изведено.
Мора прво да се реши тој проблем, да се провери инсталацијата дали некаде има прекин или оштетена изолација.
Дали живееш во куќа или во стан, и дали знаеш као е решено заземјувањето?
-
Најверојатно е нешто лошо изведено, а како е изведено благе везе немам, а инаку живеам во стан, (карпош 1 тазе реновираната зграда со 14 спрата на партизанска, во случај да бил некој и да познава какви се изведбите на инсталацијата) и претпоставувам дека малку би било тешко да се следи која е што е земјата, бидејќи и таа е црна како и фазите, ама не би требало да биде претешко.
-
Е штом живееш во зграда проблемот не мора да е кај тебе, ако е направилно изведено заземјувањето проблемот може да го има и кај комшиите :D
-
Јас во таков случај би ја поврзал фазата и нулата на бојлерот, но би поврзал и една жица од нулата до металниот дел на бојлерот, кој што е предвиден за заземјување.
Ова е како привремено решение додека не го средиш проблемот со заземјувањето.
Инаку, многу е чудно тоа што го кажуваш за боите на проводниците.
Заземјување мора да биде изведено со проводници со жолто-зелена боја, нулата мора да биде сина, а секоја друга боја може да биде фаза.
Да слушнеме уште некое мислење од некој поискусен.
-
Боите се скроз помешани, фаза е жолто-зелена, нула е црна и земјата е црна, мислам ало беее хахахахахаха, си играл играчки кој знаел и не знаел, мислам дека прво што се учи за струја е определувањето на боите на одредени проводници, за да нема понатаможна можност за глупави незгоди. Ништо, јас ке го поврзам без земјата, како и што беше досега, а тоа што викаш друже директно од нулата да повлечам жица према металниот дел наменет за заземјување, сигурно ли е, или можам некоја беља да направам? Ако не да не ја поврзувам ни така, туку интензивно овие денови да работам на решавање на проблемот? Мислам само ми страдаат апаративе по дома, се од непознати причини, морам веќе да превземам нешто, па макар тоа било и менување на цела инсталација или дел од неа.
-
всушност, земјата е поврзана како нула, а нулата е исклучена и плус нулата доаѓа од друга страна, не од истиот кабел, додуша, промашени се само боите на каблите, и тоа може некого да го збуни доста и да направи беља, сепак извршив мерења од нула према земја, и не добив никакви отчитувања, додека ако мерам фаза и маса, добивам 110 волти, дали би требало тоа да биде така? Така и на другите штекери ми излегоа мерењата, и на тој начин открив дека засебната црна жица е земја, истите отчитувања од 110 волти ми ги даде и на неа кога ја мерев со фазата. Се на се, мислам дека е во ред да го поврзам како што треба, како што било досега, само плус да си ја закачам земјата, уште ме копка зошто била дисконектирана, ама колку што гледам се во ред, и не би требало да има проблеми. Чекам одговор пред да монтирам, само ке ве замолам ако може малку побрзо, све ми е растурено и WC-то е неупотребливо, а плус ми се скина и едно чкарт црево во тештик и треба да менувам туш батерија, па ке се позанимавам со тоа додека чекам, многу ви благодарам на сите за помошта. ;)
А да провериш да видиш дали таа црната жица што виси од страна е навистина маса? Може да провериш на beeper подрачје на унимер. Поврзи го едниот крај од мерната сонда на таа жица, а другиот на било која маса во куќата ;)... може и од некој шуко штекер ;).
Најверојатно е нешто лошо изведено, а како е изведено благе везе немам, а инаку живеам во стан, (карпош 1 тазе реновираната зграда со 14 спрата на партизанска, во случај да бил некој и да познава какви се изведбите на инсталацијата) и претпоставувам дека малку би било тешко да се следи која е што е земјата, бидејќи и таа е црна како и фазите, ама не би требало да биде претешко.
А при реновирањето, менувана е инсталацијата?
Е штом живееш во зграда проблемот не мора да е кај тебе, ако е направилно изведено заземјувањето проблемот може да го има и кај комшиите :D
Да, во право е Devil. Ако е менувана инсталацијата кај некој во зградата при реновирањето, замоли ако можеш кај некој од комшиите да измериш дали и кај нив се јавува истата ситуација. Ако и ти си менувал инсталација, кога ќе мериш кај комшиите, прво мери со пуштени три осигурувачи (од твојот стан, од трите фази), па потоа исклучи ги и мери пак и види дали пак ќе ги добиеш истите резултати.
Заземјување мора да биде изведено со проводници со жолто-зелена боја, нулата мора да биде сина, а секоја друга боја може да биде фаза.
Кај мене пак сите нули се црни, а сите маси се само жолти (нема зелена лента) ;D. Ама во мојата зграда инсталацијата е хаварија ;D. Не дека е лоша, добро е изведена, добри кабли има и се е правилно врзано, ама осигурувачите се измешани у ПМ ;D. Никогаш не знаеш што ќе се изгаси ако извадиш некој ;D. Вадиш осветлување, половина стан ти свети ;D. Вадиш шуко, половина стан не свети, а другата половина има и светло и шуко ;D.
Боите се скроз помешани, фаза е жолто-зелена, нула е црна и земјата е црна, мислам ало беее хахахахахаха, си играл играчки кој знаел и не знаел, мислам дека прво што се учи за струја е определувањето на боите на одредени проводници, за да нема понатаможна можност за глупави незгоди.
Вакви глупости обично прават ако на крајот кај осигурувачите врзат нешто погрешно, па потоа ги мрзи таму да поправат и едноставно гледаат како е таму врзано и така врзуваат и на другиот крај ;D, што и да е таму, сијалица, штекер, бојлер ;D.
Мислам само ми страдаат апаративе по дома, се од непознати причини, морам веќе да превземам нешто, па макар тоа било и менување на цела инсталација или дел од неа.
А ова од секогаш било вака или само во последно време, по реновирањето?
-
тоа што викаш друже директно од нулата да повлечам жица према металниот дел наменет за заземјување, сигурно ли е, или можам некоја беља да направам?
Во случај на дефект на греачот, на пример лоша изолација, може да дојде фаза во директен допир со водата, што е опасно по живот. Затоа служи заземјувањето, но бидејќи кај тебе не е како што треба, затоа предложив да ја поврзеш нулата на металот. Во тој случај, при опишаниот дефект на греачот, би дошло до течење на струја од фазата до греачот, па низ водата до металниот дел од бојлерот (кој што треба да го поврзеш со нулата), и би исклучил или прегорел осигурач.
-
тоа се вика нуловање на заземјувачот, ама мислам дека посебно е забрането во згради такво нешто да се прави, затоа за привремено можеш така да го поврзеш, ама потруди се да го отклониш проблемот
-
Неколку пати ти е спомнато од колегите да не се заземува нултиот спроводник, ако не е таков системот на заземнување од трафостаницата каде имаш напојување!!!!
за стандардно обележување на каблите види овде
http://en.wikipedia.org/wiki/Electrical_wiringако кабелот е четирижилен и има сина боја на спроводник тој е “нула“ а жолтозелената ќе дојде “фаза“ во трифазно поврзување.
-
Инаку, во станот на Даниелчо не видов дека има трофазна инсталација за бојлерот. Беше еднофазна и боите не се како порано. Се извинувам уште еднаш за големиот пост и затоа ќе го избришам. Ќе се потрудам да внимавам на правописот. Фала на корегирањето од колегите. ;)
-
Кабел со 4 жили се користи исклучиво во индустрија и тамо сината жила се користи за фаза а секогаш жолто зелената жила се користи за заземјување, а кабелот за бојлерот најдобро е да се смени и од дозната за купатилото да се пушти нов кабел кој ќе се постави во пластични канали кои не се скапи а целата инвестиција би коштала помалку од 400ден со што ќе биде направено по прописи а не аматерски. И кај нас пошто се користи ТТ систем секои треба да има вградено (ФИД склопка 40А ,30mA) која ќе реагира кога ќе има некои дефект пробив према маса и ќе исклучи, и нема да прави проблем на соседите. А кај нас комшијата има неправилна исталација и покрај него ќе настрада некои ни крив ни дужен сосед. ЕВН треба да преземат мерки за тија работи кај струјата по еднаш се прави грешка.
-
Е токму и за ова сакав да потенцирам.Но се задлабочив и во нешто друго избегав од темата
Кабел со 4 жили се користи исклучиво во индустрија и тамо сината жила се користи за фаза а секогаш жолто зелената жила се користи за заземјување, а кабелот за бојлерот најдобро е да се смени и од дозната за купатилото да се пушти нов кабел кој ќе се постави во пластични канали кои не се скапи а целата инвестиција би коштала помалку од 400ден со што ќе биде направено по прописи а не аматерски. И кај нас пошто се користи ТТ систем секои треба да има вградено (ФИД склопка 40А ,30mA) која ќе реагира кога ќе има некои дефект пробив према маса и ќе исклучи, и нема да прави проблем на соседите. А кај нас комшијата има неправилна исталација и покрај него ќе настрада некои ни крив ни дужен сосед. ЕВН треба да преземат мерки за тија работи кај струјата по еднаш се прави грешка.
Члену didy јас знаев дека е така ако кабелот е четирижилен и има сина боја на спроводник тој е “нула“ а жолтозелената ќе дојде “фаза“ во трифазно поврзување
но тоа е во трифазно поврзување каде имаме Р,С,Т и нула а болјерот е еднофазен нели тоа вие што го кажавте е за трифазно поврзување но порано не беше така и трифазното поврзување беше со други бои. :).Но сега Евн ѓи поврзува вака ормарчињата и вака треба но тоа е трофазно а бојлерот на членот даниелчо е еднофазен многу нормално нели,и затоа дојде до недоразбирање.Но јас сум имал и трофазен бојлер 12 киловати. ;D ;D
-
Момци, јас се извинувам што ми требаше толку долго да одговорам, стварно имав некои поголеми проблеми од инсталацијава и немав време. Бојлерчето инаку го поврзав само со фаза и нула, заземјувањето не го поврзав, некако сумњиво ми беше, а не го ни нулирав како што предложи членот, иако е логично и посигурно така. Решив да почекам уште малку да се вратам на нозе од финансиски аспект, па ќе ангажирам еден пријател да ми смени цела табла со осигурачи, да преповрзе се како што е ред, да не се зафркавам ја со вакви глупости, и ке монтирам една ФИТ склопка плус, чисто да си бидам мирен. Бај д веј, кога мислев на реновирање, тоа беше површински само, фасадата ја правеа однадвор, ништо друго не е пипано, инсталацијата си е стара и оригинална, од далечната 62-ра ;D, јас би превземал и таков чекор да ја заменам цела од корен, само свесен сум дека ќе ме чини ѓавол и пол..
Сепак ви благодарам на сите што се ангажиравте за случајов, и ако имате некоја сугестија плус, нема да дојде лошо секако, добро е се да се знае. ;)
-
Јас прво би измерил она што пишав, дали тече струја према маса, пред да менувам цела табла со осигурувачи.
-
Така Фит склопка и автоматски осигурачи е најпаметно решение.Само не е баш евтино сеа добро има некој фит склопки што се поевтини али ипак ;D.
-
Јас прво би измерил она што пишав, дали тече струја према маса, пред да менувам цела табла со осигурувачи.
Ммм бате, измерив веќе, не знам дали прочита на претходната страна, не оди струја према заземјувањето, само кога мерам фаза према нула, дава 220 волти, а кога мерам фаза према заземјување дава 110 волти.
-
Не сватив само зошто дава фаза и заземјување 110 волти па јас еве сега дома измерив фаза нула 235 волти исто беше фаза и заземјување.
-
Не сватив само зошто дава фаза и заземјување 110 волти па јас еве сега дома измерив фаза нула 235 волти исто беше фаза и заземјување.
Другарче, ако знам да ме утепаш, и ја во сервис кај мене мерев, секаде дава 220, стварно ни мене не ми е јасно откај доаѓа тој специфичен напон.
-
Друже сигурно нешто заземјувањево не е правилно изведено али нема везе коа ќе си смениш таблата и фит склопка ќе си ставиш проблемот ќе се реши ;D. Сега за сега додека не собереш финансии терај вака но внимателно.
-
ne procitav se,samo na pocetok.
kaj mene koga se tusirav ponekogas na isklucen bojler me peckase struja na tusot.da skratam,problemot bese vo masinata za pernje.koga bese samo uklucena vo steker a ne raboti, preku nea zatvarase nekoe kolo.stavav na kadata zazemjuvanje no i toa ne go resi problemot.
staviv prekinuvac na masinata za perenje i problemot go resiv.
-
Па реши го и проблемот со МК поддршката,ако сакаш . 8)
-
Ммм бате, измерив веќе, не знам дали прочита на претходната страна, не оди струја према заземјувањето, само кога мерам фаза према нула, дава 220 волти, а кога мерам фаза према заземјување дава 110 волти.
Да да, знам, прочитав. И врз база на тоа што додатно го имаш пишано дека немаш менувано инсталација, не мислам дека е проблемот во инсталацијата... барем не твојата. И не верувам дека проблемот ќе се реши со менување на табла.
Мое лично мислење е дека треба прво детално да се испита каде точно е проблемот. Не негирам дека можно е и кај тебе да е (стара инсталација, некаде попуштила), но прво би се осигурал дека ситуацијата е навистина таа пред да рушам или копам, бидејќи на крај може да излезе работата за џабе :S. Ако не повеќе барем го проба она со осигурувачите што го има пишано Devil?
Исто така, кој напон го дава меѓу нула и земја? Можеш да провериш која е брановата форма на овој напон?
-
Вака момци, ај да ја живнам темава, се извинувам што не одговорив подолго време, немав ни можност да извршам некои мерења, ми цркна унимерот, а не сакав да купувам некој чкарт, па затоа си го купив овој
http://www.uni-trend.com/en/product/2014_0711_592.html чисто да се знае со што мерам, а и да се пофалам малку :P
Проблемот уште не го решив, знаете како е, Македонска работа, дури не вивне нешто во пламен, работи одлично ;D , вака сега, по мое, проблемот е некаде во комшиите, али тоа е само претпоставка, пред некој ден мерев и излезе вака:
Фаза према земја - 110 волти нали :o
Нула према земја - 12 волти, што претпоставувам не е добро, мерењето е извршено прилично блиску до табла со осигурачи, во друга соба, изнесува 1.5 волти, значи што подалеку од таблата, тоа помал напон од нула према земја, во другата соба (подалечната) пред да го вршам ова мерење, неколку дена наназад, беше исто 110 волти од фаза према земја, сега го мерам, дава 230, а блиску до таблата си останува исто, овде нешто варира и ме е*е во мал мозок, утре вадам буквално се што имам приклучено на мрежа, и почнувам со нови мерења од табла па до крај. Инаку бојлерчето сеуште си е поврзано без земја и не е нуловано, додека не се реши проблемов, така и планирам да остане сега за сега. Фреквенцијата е константна секаде, 49,97Hz.
-
Исклучи ги сите потрошувачи во куќата и мери, после тоа можеш да видиш кај има „главни“ дозни од каде што се делат понатаму каблите и дел по дел (сектор по сектор) да го исклучуваш, или ќе стигнеш до осигурувачи, а притоа сеуште го има проблемот или пак ќе најдеш каде имаш проблем
-
Момци, ова изгледа е "out of my range" >:( Ги исклучив буквално сите потрошувачи, проблемот останува, да го дијагностицирам дел по дел е малку комплицирано за мене, бидејќи на еден осигурач имам два штекера во кујна да речеме и еден во спална, на друг бојлер и друг некојси штекер, значи турли тава, уште од како знам за себе, има некои 5 жици што буквално штрчат од ѕид, само се така поднапикани во дупче, па кречено глетувано преку нив, се наоѓаат некаде на средина помеѓу таблата и прекинувачот за бојлерот, во ходник, растојанието е околу 3 метра од табла до прекинувач за бојлер, на местото на тие жици порано, пред 30-тина години, имало домофон кој сега не е во функција, дури и кога ги извадив сите внатрешни осигурачи, и трите надворешни, на тие жици имаше околу 50-60 волти АС, дозната над нив ја отворив, цело црно внатре, и само една жица во неа, којзнае кај оди, некаде према купатило веројатно, имало некој проблем па е премостувано импровизирано нешто, стварно не можам да се снајдам чисто од страв да не направам некоја поголема беља, растурив таблата со осигурачи, нема некои редни клеми да речеш културно средена инсталација, туку врзувано само жици една со друга, па лепено со СЕЛОТЕЈП ??? баш ми се распадна во раце кога го допрев.. На осигурачите за шпорет кај што е трофазна, ги има три нели за секоја фаза, еден осигурач 10 Ампера, другите два напикано по 7-8 лицни внатре, којзнае колку амперски излегуваат сега, ако не се и над 20, истиот случај и со главните надворешни, само пикано по 7-8 лицни внатре, колку да не гори често, сега знам и зошто не изгоре ниеден кога пред некое време направив по грешка директен спој фаза со нула, имам осигурачи ко за во фабрика ;D , се надевам само дека нема да морам да копам и да менувам инсталации, а за овој проблем со таблата и останатото, гледам дека е време да дојде на сцена некој професионалец што правилно и безбедно ќе дијагностицира и отклони секаков дефект, да можам да бидам сигурен утре кога ќе го оставам празен станот, дека нема да ми се јават комшии дојди ти гори нешто. Момци, кој од вас ги работи овие работи, дали би можел да ми каже од прилика која цена чини менување табла, преспојување и слично, монтирање фит склопка и сите потребни процедури, да видам дали сум спремен финансиски уште оваа недела да го повикам и да ја решам веќе ситуацијава, не се потценувајте, кажете си реална цена. Благодарам однапред.
-
Само промена на табла е крпена работа, треба убаво да си ископаш се, и се од ново да си преспоеш, да ова е покрупен зафат кој кошта, ама само така ќе бидеш сигурен дека се е во ред.
-
Уф, слично вакво проблемче имаше и кај еден другар кој е Полицаец... а полицајците знаете се СЕЗНАЈУЧИ.. гибал нешто...ама толку добро ја средил инсталацијата што, на кој прекидач да стегниш ке слушнеше пукање од кутија... нејсе тоа е друг проблем..
Туку овде беше проблем што во Среда и во Недела имаше струја во уземљењето, фаќаш на штекот уземљење дрма...
Чудисе зошто е така само во Среда и Недела, и арно му текна да кажува како комшијата го подучил за уземљењето да го среди салам и наводно да имал добро уземлење, му рекол НАЈДОБРО Е ДА ЈА ПОВРЗИШ ЖИЦАТА НА ДОВОДНАТА ЦЕФКА И ЕТЕ ТИ САЛАМ УЗЕМЛЕЊЕ, а за дрмање на чешмите и за тоа да те најдат кочан сварен во када немаш гајле затоа што водоинсталацијата му била после мерачот за вода со платична цефка, и немало да има никаква спроводливост а демек водата имала спроводливост како што кажа на кратка релација.
И така си направил другарчето, после тоа ми светна сијаличката, и појдовме го прашавме комшијата кога едноставно го пушта бојлерот, кажа дека скоро секогаш во среда и недела.
После тоа, следуваше пријавување во ЕВН, си превзедоја тие мерки, мислам дека и го казнија човекот, а другарчево ја изгоре цела инсталација, па 2 недели си ги копаше зидовите дома, па му пуштав нови кабли, нови дозни зашто повеќето беа оштетени, едноставно си направи од готово вересија 1000 евра си ги фрли за џабе, јбг тоа тие, а сличен талент имам видено во Струга каде што го имам станот одма до мене има некој си електричар Стојко се вика, од кој не бил сигурен на стамбеното заземлјување па си го поврзал заземлјувањето на Јолукот.
П.с знам дека приказнава е сосема поразлична, ама можеби на некој ке му помогни, бидејќи има многу таленти кој ги врзуваат заземлјувањата на водоинсталација, и си прават бељи и на себе и на комшиите.
-
@Danielco: Врз база на ова што го пиша сега, да, и јас исто мислам како и Devil, треба да ја менуваш цела инсталација. Нема поента да се дијагностицира проблем кој највројатно е на неколку места.