На 13.06.2015 се одржа 44 тиот собир на радиоаматери на Република Македонија во Прилеп кај манасторот Свети Димитрија. Покровители на овој собир беа Народна Техника на Република Македонија, Радиоаматерски сојуз на Република Македонија и Радиоаматерски клуб Никола Тесла од Прилеп.
На овој собир се одржаа и државните натпревари во радиогонометрија и брза телеграфија.
Атрмосферата беше пријатна и пријателска и можам да кажам дека покровителите направија многу убава организација. Присутни беа многу радиоаматери од најмладиот до најстариот.
Пред самите натпревари имаше убаво дружење, размена на искуства и нови запознавања.
Натпреварот го отворе претседателот на РСМ Звонко Стаменков
Како што спомнав се одржуваше натпревар во АРГ, односно радиогонометрија и HST брза телеграфија. Бидејќи мојот лисичар поради моја неажурност не го дозавршив, се натпреварував со друг лисичар кој се покажа многу добар.
Лисиците беа добро скриени и требаше човек добро да испоти дури да ги најде. Мене најмногу мака ми даде првата лисица за која изгубив премногу време да ја најдам. На некој начин вртев во круг а моите 100 килограми ми претставуваа голем проблем на тој терен.
Верувајте, не ми беше лесно....
Се на се беа 5 лисици, ги најдов сите, но имав многу лошо време и освоив пристојно 5-место на овој државен натпревар. Немам никакви забелешки кон комисијата, таа успешно и фер ги бодираше сите натпреварувачи. Сепак важно е да се учествува, нели.
По натпреварот имаше ручек и дружење кое што ќе остане незаборавно.
Секако беа доделени и сертификати за освоени места, признанија и медали.
Кога си дојдов дома, после ладниот туш заспав како да сум во кома или клиничка смрт, спиев 14 часа и ништо не можеше да ме разбуди. (Дури и сонував како да сум на апарати приклучен)
Голема благодарност до претседателот на Радиоклубот Никола Тесла Доне Кочоски Z32DF за одличната организација на овој собир и се надевам дека и во иднина ќе имаме вакви дружења.
Бидејќи немам слики и официјални резултати од натпреварот во брза телеграфија и АРГ, ги молам членовите на форумот кои сликаа за HST да постираат некоја слика како и да ги објават официјалните резултати за комплетниот натпревар