8085 Процесор
8085 процеорот е 8 битен.Тој може да обработува 8 битни податоци,податочната магистрала е составена од 8 бакарни водови,општите регистри во микропроцесорот можат да меморираат 8 бити.8085 располага со адресен простор од 64KВ.Од овде следува дека 8085 има вкупно 16 адресни пинови(64K=26 210=2 6+10).Регистрите се брзи мемориски локации сместени во вантрешноста на самиот микропроцесорскиот чип.Се делат на општи регистри и регистри со специјална намена.Општите регистри ги чуваат податоците за обработка.Тие се бележат со буквите A,B,C,D,E,H и L.Најважен регистар е A,акумулаторот.Тој е работен регистар и сите резултати од извршените аритметичко логички инструкции се чуваат во акумулаторот.
Општите регистри можат да се користат и во пар BC,DE и HL најчесто за чување на некоја 16 битна мемориска адреса .
Во регистри со специјална намена спаѓаат : програмскиот бројач, инструкцискиот регистар,стак покажувачот и статус регистарот. Програмскиот бројач е 16 битен и ја памти адресата на следниот бајт кој треба да се донесе во RAM-от и да се обработи.Програмскиот бројач всушност памти до каде стасал микропроцесорот со извшување на програмата.Инструкцискиот регистар е 8 битен и тој го содржи операцискиот код.Секоја инструкција во машиснкиот јазик се запишува како уникатен 8 битен код преку кој микропроцесорот ја индетификува инструкцијата.Овој 8 биден уникатен код се вика операциски код.Стак покажувачот (STAK POINTER) е 16 биден регистар кој ја чува адресата на најгорната локација од стакот.
Стак меморијата се полни и празни преку врвот (како шаржер на пиштол). Ако сакаме да извадиме податок од средината треба предходно да ги извадиме сите податоци над него.
Битовите во статус регистарот се викаат знаменца(FLAG). Тие се индикатори на состојбата и зависат од добиениот резултат.Знаменцето Z(ZERO) се активира т.е добива вредност еден ако добиеме резултат еднаков на 0. Знаменцето S(SIGN) е активира т.е добива вредност еден ако добиениот резултат е негативен (знак минус). Знаменцето P се активира ако добиениот резултат во бинарен броен систем содржи парен број на еденици. Знаменцето C (carry) се активира ако имаме пренос од осмата на деветата позиција при собирањето на два осумбитни броеви. Знаменцето Аx е помошно знаменце за пренос од четвртата на петата позиција при собирање на два осумбитни броеви.
Задача: Кои знаменца се активираат при собирање на броевите 11101011(2) и 00010101(2) ?
Решение:
Се активираат знаменцата С,Z и Ax.
Микропроцесорот има 40 пина . Од нив осум се адресно податочни и се бележат со ознаката AD0-7 , а 8 се чисто адресни А15-А8. Какви сигнали ќе се пренесуваат по AD0-7 магистралата зависи од контролниот пин ALE( Address Latch Enable). Кога овој пин е еднаков на еден тогаш по адресно податочната магистрала се пренесуваат адресни битови, а кога ALE = 0 тогаш оваа магистрала пренесува податочни битови. Ова е возможно бидејќи прво се испраѓаат адресните битови, па кога меморијата ќе ја пронајде саканата локација, се пренесуваат податочните битови . По AD0-7 магистралата се испраќаат понезначајнита адресни битови од А0 до А7, а истовремено по адресната магистрала се испраќаат позначајните адресни битови од А8 до А15. Така добиваме 16 битна адреса.
Пиновита HOLD и HLDA(Hold Acknowledge) го контролираат DMA трансферот. DMA е кратенка од Direct Memory Access. Имено во случај на DMA пренос микропроцесорот не управува со магистралите туку за тоа се грижи специјален уред нарачен DMA контролер. Пинот HOLD е влезен пин и преку него се бара дозвола за DMA трансфер. Ако логиката на микропроцесорот одобри веков трансфер тогеш се активира излезниот пин HLDA. Зборот acknowledge во превод значи потврда, одобрување.
Микропроцесорот 8085 има 6 пинови за работа со прекини ( interrupt ) Прекините се случани надворешни настани кои предизвикуваат прекин во тековното работење на микропроцесорот. Прекин може да предизвика некој периферен уред или самата програма доколку се појави некој нерешлив проблем ( пр. делење со нула). После добивањето за прекин микропроцесорот привремено ја прекинува тековната програма и повикува подпрограма за сервисирање на прекинот. Постојат неколку видови прекини. Приоритетот на прекините е многу важна карактеристика . Доколку микропроцесорот истовремено добие два прекини тогаш прво ќе го обработи прекинот со поголем приоритет. Подредени според приоритет пинови за прием на барања за прекин се INTR,RST7,5 , RST6,5 ,RST5,5 и TRAP. Прекин од најмал приоритет е прекинот INTR Ова е влезен пин за микропроцесорот. Микропроцесорот може , но немора да го прифати барањето за прекин. Доколку го прифати барањето за прекин микропроцесорот го активира пинот INТА (Interrupt Acknowledge) ,што всушност преставува пин за потврда.
Друга група на пинови се пиновите за сериска комуникација ,бит по бит. Тоа се влезниот пин SID (Serial Input Data ) и излезниот пин SOD ( Serial Output Data )
Пиновите S0 , S1 и служат за дефинирање на машинскиот циклус. Под машински циклус се подразбира времето потребно да се прочита или запише информација од еден бајт во меморијата или некој периферен уред . Во зависност од значењето на бајтот кој се пренесува постојат 6 видови машински циклуси : пренос на операциски код од меморија во процесор, читање од меморија, пишување во меморија, читање од периферен уред, пишување во периферен уред и пренос на прекинувачки вектор( со него се пронаоѓа подпрограмата за сервисирање на прекинот). Овие пинови се познати и под името статусни пинови.
И да не го заборавиме пинот CLK кој всушност преставува дигитскиот такт од кристалниот осцилатор на микропроцесорот. Овој сигнал е излезен и се користи за реализација на синхронизацијата.
