Потоа ја измерив батеријава (MS614SE - 3volt) која служи за чување на меморијата, изнесуваше 0.2V ја извадив и наполнив и ја вратив но повторно апаратот не се вклучуваше.
Тие батерии не се полнат, Литиумски се, не Литиум-Јонски. Тие се менуваат само, не се полнат.
Без батеријата за меморија, пробав да го вклучам апаратот и повлече струја од батеријата на апаратот но батеријата брзо се испразни до 0 волти, апаратот не покажа знак дека се вклучи ( не светна лед сијаличката, не светна дисплејот ни пак леќите не почнаа да се отвараат).
Па земав директно напојување 4.2 V на терминалите за + и - од апаратот каде што стои батеријата, но повторно без конектирана батеријата за меморија и не повлече струја апратот. Донесов и 3.3V каде што беше конектирана батеријата за меморија и повторно не се вклучува и не влече струја.
Можно е Li-Ion-ската батерија на апаратот да е зезната.
Е сега, имаш две опции... едната е да купиш таква идентична, а другата е да „хакуваш“, при што, ќе ти треба дополнителната електроника од третиот (или и четвртиот пин, не знам каква е батеријата) од старата батерија.
Пример, како изгледаат овој дополнителен пин на BL-5CA батерија од Nokia телефон.
![](https://i.postimg.cc/TwVswcHC/nk-bl5c.jpg)
Во овој конкретен пример, дополнителниот пин е само врзан преку отпорниче за плусот или минусот (не ми текнува) од батеријата и телефонот само ја мери отпорноста меѓу овој пин и плусот или минусот, со што ја идентификува батеријата (ОК, оригинал е батеријата, ќе го пуштам телефонот), што е практично многу лесно за „имитирање“ (копирање).
Можно е да на сосема подруг начин изведена целата оваа работа кај твојата батерија, што практично ќе значи дека ќе мораш цела оваа електроника од оригиналната батерија да ја извадиш и да ја ставиш на „неадекватна“ (не оригинална, друга) Li-Ion-ска батерија... практично, да гo излажеш фото-апаратот дека имаш ставено оригинална батерија
![Wink ;)](http://elektronika.mk/Smileys/default/wink.gif)
. Ова е прилично лесно за изведба, ја расклопуваш старата батерија, има едно мало плочкиче веднаш под контактите, тоа е електрониката за идентификација, гледаш каде се врзани контактите за плусот и минусот на батеријата, ги прекинуваш тие и ги прелемуваш за плусот и минусот на новата (не оригинална) батерија која сакаш да ја ставиш.
Бидејќи можно е ова да не е баш изводливо во самата кутија („хакуваната“ батерија не ја собира во просторот каде што стоела оригиналната, или има некој механизам за прицврстување кој не може да се прилагоди да фаќа за новава батерија), ако не повеќе, може се ова да се искористи само за проба, дали фото апратот е исправен или не, т.е. дали вреди да се купува нова оригинална батерија или не
![Wink ;)](http://elektronika.mk/Smileys/default/wink.gif)
.
Батеријава за чување на меморија што ми вади куса врска во еден правец дали е расипана ?
Да, најверојатно е. Замени ја со слична ако не можеш да најдеш идентична (според ознаки). Сите тие се со ознаки CRxxxx, каде што првите два x-а (CRXX) е ознаката за дебелината на батеријата (пример, CR20 значи дека батеријата е дебела 2mm), а вторите два x-а (CR20xx) е ознаката за дијаметарот на батеријата (пример, CR2032 значи дека батеријата е дебела 2mm и има дијаметар од 32mm).
Инаку, сите тие батерии се само литиумски и даваат ист излезен напон, 3V (до кај 3.2, 3.3V кога е сосема полна батеријата), така да, не игра улога дали ќе земеш ваква или онаква (CR1832, CR2032, CR2020, итн.), само гледај да може да ја собере по големина во фото апаратот.
Околу врзувањето на батеријата... по правило, овие батерии не се лемат (општо, скоро ниедна батерија не се леми, се пунктираат), но, знаеме дека најчесто немаме пункт апарати по дома, така да, и немаш друга опција освен да ја лемиш. Шмиргни ја од двете страни на контактите со водена шмиргла и со леткумот на релативно висока температура (не на максимум, али на така... доста висока, пример околу 380, 400 степени) многу брзо леми, за да не се прегрее батеријата, и потоа дувај во неа за да ја оладиш побрзо
![Wink ;)](http://elektronika.mk/Smileys/default/wink.gif)
.