Колото LT1210 е доста фалено по форумите дека има најдобар звук помеѓу сите мали TO220 chipamps, па откако набавив неколку парчиња решив да го испробам. Повеќето од шемите што се вртат на нет имаат и влезен степен со операциски засилувач за да се зголеми gain-от при што се добиваат околу 15W, но бидејќи мене не ми требаше некоја голема излезна моќност, се решив за една руска верзија на засилувач само со LT1210. Гејнот е околу 8, вкупните изобличувања се <0.08% на 8оми во опсегот од 20-20000Hz, мирната струја е околу 30mA по гранка. Вредностите на R4 и R5 и на двата канали треба да се исти (спарени) под 1%. Од неполарните кондензатори С2 треба да е керамички, останатите квалитетни блок-кондензатори. Калемот L1 се мота со лак-жица 0.6mm, во еден слој, колку ќе собере на R6.
Ова е шемата:
А ова е изгледот на плочката, фајлот го има најдоле.
Иначе двете маси од плочката и онаа за звучникот со жици најмалце 0.75mm2 се водат во една заедничка точка, обично на масата од електролитите во напојувањето:
Вака изгледа мојата верзија, знам дека ладилникот е обратно свртен, ама и така е overkill, при нормална работа едвај е млак на допир...
Звукот е одличен, детален, динамичен, со доволно бас. Нека не ве залажува малата декларирана моќност, ова е гласен засилувач, повеќе од доволен за домашно слушање, особено во комбинација со поосетливи звучници...
