Оваа антена за WiFi нуди засилување од 11dbi од челна страна и најчесто е малку подобра од оние кои прават антени од конзерва а сепак е лесна за изработка и e помалку подложна на корозија.
Потребни работи за изработка:
1. Плочка со слој на бакар (како за електроника) со димензии од 100x100 па до 130x130 (не е толку битна димензијата);
2. Жица со дебелина од 2мм (може и одголена жица од кабел за заземјување).
3. Коаксијален кабел RG58 со импеданса од 50 ома.
4. Конектор за приклучок на уредот (најчесто RPSMA (D-Link) или RPTNC (Linksys))
Жицата од 2мм се витка како на сликата со дадените димензии:
Плочката се буши на средина и се протнува коаксијалниот кабел кој се леми на следниот начин: Изолацијата (масата) на долниот дел од свитканата жица (осмицата) (каде што се спојуваат и двата краја на жиците) и средниот проводник од коаксијалниот кабел на горниот дел од свитканата жица.
Некој може да стави и бакарна цевка заради цврстина за да се држи „осмицата“ а може и пластична па да лепи.
„Осмицата“ треба да е на околу 1.5цм од бакарната плоча (рефлекторот), ваше е како ке го постигнете тоа да биде избалансирано, дали со парче од бакарна цевка, пластична, некои употребуваат дури и сечени парчиња од цевка за пиење на сок и лепат на повеќе места со секундарно лепило или со топло лепило (пластика).
На другиот крај на коаксијалниот кабел го монтирате конекторот, и гледајте да биде убаво монтиран.
Не употребувајте кабел подолг од 4 метри бидејќи од загубите на кабелот нема да имате никаква добивка (во сигнал) од додавањето на антена. Најдобро е уредот и антената да бидат оддалечени не повеќе од пола метар што во некој случаи значи уредот да биде надвор заедно со антената.
Готовата антена треба да изгледа вака:
Првата ваква антена ја дизајнирал Trevor Marshall.