Засилувач со германиумски транзистори (3W)

[BorceBT]

Засилувачот е 3 вати максимално и излезните транзистори мора да се на ладилник.

[LordZi]

Одамна планирав да направам вакво нешто (пошто сум навлечен на стари и заборавени технологии ), со тоа што сакав да биде all germanium па BC108 ги заменив со AC127 транзистори. Ова мало појачалце е изненадувачки гласно, звукот е поразличен од другите засилувачи што сум ги правел, повеке наликува на оној лампашкиот, ама кога ќе се заврти потенциометарот за глас до крај (без влезен сигнал) се слуша шумот што го генерираат самите германиумски транзистори и тогаш станува јасно зошто се прегазени од силициумот (или кажано со зборовите на еден постар електроничар "...плачевме од среќа кога ни дојдоа првите TBA800 интегрални кола..." ). Како и да е, следен чекор е појак засилувач со AD161/162!

Еве го појачалцето



Еве ја и плочката


П.С. Транзисторите AC187/188, AC161/162 и AC127 ги има во логинг...

[Bojan]

тие што се лепени со тоа пластиката....НТЦ треба да се??? иначе супер појачало...

[LordZi]

Да, тоа е NTC отпорникот.

[BorceBT]

Браво, супер! Ми се допаѓа кога гледам повторно живот на старите (добри) технологии! Секоја чест.

Чекаме и нов пост за засилувачот со AD161/162, тој сигурно ќе има барем 15-20W

[didy]

Дали овие транзистори се стари залихи, или сеуште се произведуваат?
Ги имаше во грамофонските појачала, Првиот мирис на калафониумот и лемењето беше со нив, а тие тда 800, зае*ани без темературна заштита, барав само тда 810с.

[BorceBT]

Само стара залиха за жал. За разлика од некои ламби кои сеуште се произведуваат и денес овие типови на транзистори веќе 20 години ниедна фабрика не ги прави така да кога ке си направите ваков засилувач најверојатно најубаво е да го ставите во стакло како музејски експонат бидејќи ако по 10 години некој од транзисторите прегори веројатноста дека ќе најдеме таков ќе биде 10 пати помала отколку денес

[DX-er]

А што е причината што германиумот е исфрлен од употреба ? Дали само поголемиот шум што се појавува што вика LordZi ?

[BorceBT]

Германиумот се употребува и денес но се употребува само во супербрзите микропроцесори и некои ВФ засилувачки хибриди. Позитивната страна на германиумот е што работи при многу мали напони почнувајќи од 0.2V па нагоре наместо силициумот кој работи од 0.7V па нагоре. Тоа значи дека може да се прават побрзи чипови (нискиот напон на работа значи помало влијание на капацитивноста на печатените транзистори во микропроцесорите а со тоа и поголема брзина (GHz)). Но тука завршуваат позитивните страни. Негативните страни се:
1. Поголем шум (од силициумот);
2. Поголема нестабилност;
3. Поголема осетливост на промени на напони, струи, електрицитет и слично (понежни се);
4. Поголема промена на засилувањето при греење (затоа има NTC отпорник залепен на ладилниците на погорниот засилувач, затоа што тој го намалува засилувањето доколку засилувачот е загреан за да спречи негово прегорување);
5. Германиумот беше скап и уште е поскап од силициумот (економистите се главни како и секогаш).

Мислам дека е јасно зошто се прејде на силициум.

[LordZi]

Дали овие транзистори се стари залихи, или сеуште се произведуваат?

Тие што се продаваат во логинг се NOS (New Old Stock), значи неупотребувани стари залихи, којзнае од кај им се...Иначе AC187/188 се продаваат голи, без тие коцкастите ладилничиња . А околу TBA800, а посебно TBA810, на времето кога се појавиле сигурно им изгледале на тогашните електроничари како божји благослов, после сите маки што ги тргале со германиумските транзистори (шум, температурна нестабилност, големо варирање на параметрите од еден до друг транзистор со иста ознака и што уште не).

[BorceBT]

Да ве поправам сите: TBA800/810/820 а не TDA Забегавме од темата, доволно е

[BorceBT]

Видете што сум набавил нови:



За жал беа последните

[LordZi]

Само еден пар најде?

[DX-er]

Ова Т значи Телефункен ?
Иначе ако се оригинал се зверско добри транзистори.

[BorceBT]

Оригинал се меѓутоа најдов само 1 пар, мислам дека AD162 има уште неколку парчиња меѓутоа AD161 нема веќе ;(