Малку помош со софтвер за симулација, цртање на шеми и PCB

[GigaWatt]

Вака сега, немам многу искуство со вакви типови на софтвери, порано (кога бев во средо) рачно ги цртав сите плочки (и шеми), но бидејќи не беа нешто многу комплицирани шемите, во 90% од случаите ми излегуваа точни и без многу проверки, 2 до 3 проверки беа повеќе од доволно.

Е сега, како што растеш, ти растат и апетитите, последниве 5, 6 години, баш и немам многу време за „понапреднато“ (да не речам поинвентивно) бавење со електрониката, како на пример дизајнирање на шеми , нивна целосна обработка, дизајнирање на PCB за нив (софтверско дизајнирање), и така натаму. Повеќе се бавев со сревисирање зашто помалку време одземаше, а плус и те плаќаат за тоа. Проблемот не е дека немам идеи, туку дека идеите се веќе релативно комплицирани и немам толку време за одвојување како што имав порано. Тоа е тоа.

Доста беше од самосожалувањето, хахахахаах .

Имам некое познавање од работа во PSpice, и тоа знаење е релативно органичено, нешто што работевме на факултет и нешто малку на своја рака што имам работено. Баш гледав во секцијата за „Совтвер за електроника“, ги прочитав скоро сите теми, но не знам од каде да почнам, сите програми си имаат свои предности и недостатоци.

Идејата ми беше, да не лутам наоколу, сакав да чујам мислења од членови на форумов прво, да не рипам да инсталирам програми како луд, па после да се каам што воопшто сум ги инсталирал.

Имав препорака од една од асистентките на факултет да почнам со OrCAD 9.2.2. Као демек цел пакет бил, имало се што ми треба, од пакети на компоненти, цртање на шемите, симулација (го има и PSpice нели) до дизајн на PCB-то. Мада врска немам која од програмите во пакетот за што е, ама ајде, тоа лесно ќе го дознаам. Го имам но не сум го инсталирал, е сега прашањето ми беше дали да почнувам со ова или со нешто поедноставно.

Значи не сум тотален почетник, но некако се имам изгубено во времето, јас кога бев средно беше вистинска „шема“ да најдеш програма што ти ги генерира вредностите на компонентите за определен однос импулс/пауза со NE555, и тоа под command prompt (хахахахааха ).

Значи, кратко и јасно, прашањето ми беше, дали ќе успеам лесно да се снајдам и со OrCAD или прво да почнам со некој друг програмски пакет или програми?

Однапред фала на сите што ќе го споделат своето знаење .

[Bojan]

јас мислам дека со прва програма што ке почнеш и после тешко дека ке се одкажеш од нејзе... јас почнав со PCB Wizzard за цртање на плочки и сега не се одкажувам од него, дека го владеам и се знам во него а за симулација користам circuit design suite иако не симулирам многу шеми, дека ептен ми е за никаде софтверот (неможам да најдам некој поасален). Иначе јас би ти препорачал да почнеш со таа програма ако те бива за програми (да се снајдеш без да читаш туторијали него со клик ваму клик таму) ако ти е тешко на почеток не се одкажувај, одкако ке ги најдеш основните работи ке ти биде ептен полесно и после по грешка ќе ги наоѓаш останатите функции на програмата, така да..ДА, почни со тој програм. И ја ке си го симнам да видам каков е...

[GigaWatt]

Има и понови верзии од него, како OrCAD 16.0 или 16.2, но ми препорачаа да ја користам оваа, зошто, не знам, не разбрав точно зошто, но колку што успеав да сватам, оваа стара верзија имала поголема база на компоненти, за поновите си требал да ги симнуваш базите или да ги бараш од производителите на компонентите (барем колку што успеав да разберам).

И јас искрено сакав да почнам со OrCAD, не заради друго, туку бидејќи форматите на фајловите се interchangeable меѓу различните програми, што значи дека можеш да ја нацрташ и симулираш шемата во PSpice (верувајте, многу моќен совтвер за симулација е, иако имам малку работено во него, се уверив во неговата моќ), потоа го експортираш фајлот, го импортираш во PCB дизајнерот, го дизајнираш PCB-то (дали автоматски дали рачно, тоа не знам, не сум пробал), па си го експортираш како слика (најверојатно) и се ти е горе долу автоматизирано и компатибилно во ланецот на обработката на колото .

Имам симнато и некои туториали за работа во PSpice, но сите се за верзиите до 9.2.2, за поновите верзии, немам, мада не верувам да има некои големи разлики во interface-от во поновите верзии, така да најверојатно можат да се применат и за поновите. Ако некој ги сака можам да ги upload-ирам, па да си ги симнете. Добро кај туториалите е тоа што практично (преку цртање и симулација на определена шема) ти го објаснува принципот на работа, не е како user manual .

[BorceBT]

Јас ти препорачувам да ги поделиш програмите за симулација, програмите за цртање на шеми и програмите за цртање на плочки. Зошто? Па затоа што програмите за симулација (како на пример Multisim која е многу добра) е доста слаба (по изглед) за цртање шеми и потоа префрлање во плочка. Затоа мислам да ја најдеш Multisim и да ја користиш само за симулација а за цртање на шеми да користиш нешто поедноставно како на пример што користам јас sPlan. За цртање на плочки битно е да користиш програм кој нема ограничувања а да не биде премногу сложен (да не е софтвер за фабрики) како на пример што се новиот Eagle или Spring Layout.

[GigaWatt]

Да да, и тоа „држи вода“, може да си ги поделам, ако не, на карајот на краиштата, сите ќе и пробам, па ќе видам кој најмногу ќе ми одговара и со кој вадам најдобри резултати без разлика дали станува збор за симулација, цртање на електрична шема или правење на PCB .

Баш сега го симав eSketch PRO, па планирам да го „тестирам“ наредниве неколку дена .

А и Filter Wiz PRO си го симав, и тој да видам како работи .