Прашањa за ВФ засилувачите

[DX-er]

Ме интересира нешто, ако на самиот предавател имам П-филтер и таков исфилтриран сигнал иде во појачало од Ц класа, дали на излез ке треба уште еден филтер или сигналот ке биде чист?
Значи дали појачалто во Ц класа создава хармоници?

[BorceBT]

Мора да има и краен филтер (после главното појачало). Секое ново засилување воведува нови хармоници, а поготово појачало во Ц класа.

[DX-er]

а дали тие хармоници се силни или се со краток домет?
На пример ако со 2SC1971 добивам 3W и доколку ставам филтер и го прочистам сигналот, колку од прилика W би бил прочистениот сигнал? (основната фрекфенција)

[BorceBT]

Значи да речеме дека му даваш на 1971 многу чист синусоидален сигнал. Сепак, количината на хармониците сигурно ќе зависи многу подесувањето и линеарноста на осцилаторните кола (калем/кондензатор). Некои комбинации калем/кондензатор и некои подесувања ќе дадат помали хармоници, некои поголеми. Сепак и идеално подесено системот нема да може да се донесе под 10% хармоници бидејќи Ц класата по дефиниција го „вози“ осцилаторното коло само во една полупериода што би значело дека во другата полупериода е оставено само на себе (затоа зависи многу од калемот и кондензаторот) меѓутоа се јавува проблемот кога транзисторот наново ќе го „наполни“ осцилаторното коло прави „удар“ и генерира виши хармоници барем 10%. Значи осцилаторното коло треба да е што подобро за да нема изгубено многу енергија до наредното „полнење“. И тоа само 10% ако се калемите посребрени а кондензаторите многу квалитетни! (да нема загуби, опаѓање на енергијата во осцилаторното коло до наредниот „удар“ од страна на транзисторот). Се надевам се разбираме.

[DX-er]

10% хармоници при посребрени калеми и одлични кондензатори.... леле а камо ли како јас и диме што правиме со бакарна жица и пластични кондензатори којзнае колку хармоници има, ако појачалото дава 3W и ако тој сигнал го прочистиме може ке остане само 2W чист сигнал.

[DX-er]

Дали некој има приметено некаква разлика меѓу BFR91 и BFR96 во поглед на засилување, осетливост и хармоници?

[BorceBT]

На фрекфенции под 500MHz не.

[DX-er]

ОК, мене ми треба за ФМ

[DX-er]

Дечки што значи тоа едно појачало или предавател да биде линеарен и од што зависи  истото?

[BorceBT]

Линеарен значи синусоидалниот сигнал да го појача онаков како што е (да не ја изобличи синусоидата на сигналот) а доколку не е линеарен се појавуваат хармоници. Линеарноста зависи од транзисторот, осцилаторното коло (калемот, кондензаторот), плочката, снагата ако е претерана и други работи.

[DX-er]

Гледав разни шеми за појачала со разни транзистори како 2N3866, 2N3663, 2SC1970...
и ме зачуди следново.
Зошто кај некои појачала излезниот калем е меѓу двата излезни тримери а на некои шеми е пред тримерите?
Зошто некаде има 2 излезни тримери а некаде има 4?
Зошто се различни тримерите од појачало до појачало за различни транзистори кога сите се во Ц класа?

Јас користам тримери од 10-60pF тие темно жолтите, дали се добри за 2SC1970, 2SC1971, 2N3866 и 2N3553 ?

Ако некој знае го молам да ми одговори на прашањата.

Еве ги сликите

[BorceBT]

Значи има неколку одговори на твоите прашања. Првиот е дека секој транзистор се разбира дека нема 50 ома излезна импеданса. Најчесто имаат неколку оми излезна импеданса и тоа секој различно. Излезната импеданса за да е 50 ома и да одговара на антените, каблите  и на наредните степени ја нагодуваат со комбинација на калеми и кондензатори (редно или паралелно) и тоа не е филтер на шемите туку нагодувач на импеданса. Вториот одговор е дека треба да имаш на ум дека на некои фрекфенции калемот може да стане кондензатор (капацитет меѓу намотките наместо индуктивитет од самата жица) и понекогаш го користат и тој ефект, поготово на повисоки фрекфенции. Трето, не е ни битно дали ќе ставиш калем или кондензатор, битно е да направиш „напонски разделник“ со импедансите кој ќе ја има потребната излезна импеданса од 50ома (може да се направи и за 75 ома ако е потребно за засилувач за кабловска телевизија).
Тримерите кои ги користиш се добри но некаде до 5 вати. Над таа снага напонски пробиваат (тоа може а и немора да се гледа) и се случуваат лоши работи, зголемена SWR, дури и прегорувања на транзисторите. На пример на засилувачот од 60W мора да се нагоди прво на ниска снага (десетина вати), потоа се мерат кондензаторите и се става (еден или повеќе) фиксни керамички кондензатори од 2KV напон и се става многу помал тример (1-15pF) за да може да се штима потоа ако е потребно околу резонанцијата.

[DX-er]

А тоа што се од 10 до 60pF а на шемиве има тримери на пример 4-14pF а пак моиве почнуваат од 10pF а тие од 4pF па дали е проблем? Дали се битни тие pF од 4-10?

[BorceBT]

На некои места е битно да почнува од помал капацитет (2, 3 или 4pF) а на некои не. Сепак ако во шемата пишува од 4-14 со ставање на 10-60 неможеш да штимаш на повисоки фрекфенции (накај 108MHz) туку само на пониски (накај 88MHz). Иначе само квалитетни тример кондензатори имаат поголем опсег (имам видено од 2 до 100pF тримери квалитетни).

[DX-er]

Jaс имам направено појачало како ова на сликава



Е сега на нетов видов друга шема за појачало која е по различна од таа по која јас правев



Кај мене калемот означен како 1 е три круга мотани на мина од пенкало.
Вториот е три круга со внатрешен дијаметар од 6-7цм а ширината на намотката е може 1-2мм
Третиот е 7 круга со внатрешен дијаметар од 7цм

Па ме интересира дали е проблем што се вакви намотките или не?