Иако и јас (како и многу други) се „чипчев“ за старите 2.X.X верзии од uTorrent, сепак, на крајот и тој си ја покажа својата старост и почна да јавува проблеми, особено под x64 оперативните системи. Под Win7 x86 добро си работи, но се повеќе корисници бараат Win7 x64, а од 2.X.X верзиите нема x64 exe-иња, така да, мора да се инсталираат како x86 програми, што знае да прави проблеми на определени системи (особено овие Win7 x64 Home едициите кои се bundled на новиве лаптопи, а сопствениците не сакаат да ги менуваат поради X причини).
Сите знаме колку „добар“ стана новиот uTorrent. Веќе е далеку од micro, а веќе има и верзија од uTorrent (uTorrent Plus) која се наплаќа, а рекламите за неа во неплатената верзија нервираат, така да, uTorrent од Freeware стана Adware, што на многу не им се допаѓа, а и на мене. А да не ги спомнувам и многуте непотребни функции кои ги додадоа во самиот uTorrent. Сега, повеќе личи на media player (многу налик на WMP, кој искрено не ми се допаѓа и не го користам, освен кога морам) отколку на Torrent Client. Според мене, последната добра верзија која излезе од uTorrent е 2.2.1 (мислам дека беше последна од 2.X.X серијата), но поради подобра компатибилност, сеуште ја користам 2.0.2 верзијата (не знам зошто, но оваа верзија, иако е постара, помалку проблеми прави со поновите оперативни системи, како Win7, а и под Win7 Ultimate x64 нема никакви проблеми, но со x64 Home едициите, како што спомнав, има проблеми :S).
Како и да е, поради самата застареност на клиентот, како и поради нецелосната компатибилност на веќе старата верзија од овој клиент со Magnet Links (на кој се поголем број на Torrent Hosting сајтови се префрлуваат), неизбежно е префрлувањето на понова верзија од овој клиент (што, барем јас, не сакам да го направам) или на друг клиент кој не е толку оптеретен со секакви media features (кои, да бидам искрен, не знам некој кој ги користи
). Кратко речено, uTorrent стана „многу напумпана џиџана играчка“, стана комплициран и неинтуитивен за користење (треба 1000 подесувања да направиш за го вратиш да изгледа „колку-толку“ на старите 2.X.X верзии, а и кога ќе подесиш се, пак, „не е тоа тоа“) и веќе дефинитивно не заслужува да го носи префиксот u (micro).
Барајќи замена за uTorrent, наидов на Tixati
:
http://www.tixati.com/Има премногу опции, многу повеќе од тоа што нудеше uTorrent, дури и старите верзии, има DHT, PEX и Magnet Link поддршка, IP Filtering и уште еден куп други опции (некои од нив не знам ни што се
). И најважно, се update-ува редовно и нема реклами
. Дава одлични статистики и многу податоци во врска со bandwidth-от, како и детална bandwidth контрола на секој peer од peer листата).
Како единствен недостаток, само би го навел тоа што и овој е далеку од u (micro), инсталираното exe има големина од 17MB :S, што е многу повеќе од отпакуваното exe на uTorrent 2.X.X верзиите, која беше околу 1MB. Е сега, претпоставувам дека голем дел од тоа се должи и на компајлерот кој го користат (MS Visual C++ 8.0), ако се префрлат на некој понов компајлер, како MS Visual Studio 2011 или 2012, најверојатно ќе се намали големината за околу 5 или 6MB, а и ќе се оптимизира неговото работење (причично брзо се подига и работи, но не толку брзо како uTorrent 2.X.X). Но, има време и за ова
. Најважно е дека е прилично добра замена за uTorrent
. А да бидам искрен, и интерфејсот ми се допаѓа
. Може да ги менувате и color theme-овите, како и да си направите ваш custom color theme и да си го зачувате, но црниот интерфејс некако одлично „ми легна на очи“
.
Јас би го посочил овој torrent клиент како добра замена
. Ако сакате да посочите и некои други, слободно пишете и дајте линкови
.
